ကရင်ပြည်နယ်၊ ကြာအင်းဆိပ်ကြီးခရိုင်၊ ကြာအင်းဆိပ်ကြီးမြို့နယ်အတွင်းရှိ အိမ်ဆောက်ပစ္စည်း အရောင်းဆိုင်များ၊ ရန်ကုန်တိုင်းဒေသကြီး၊ မင်္ဂလာဒုံခရိုင်၊ ရွှေပြည်သာမြို့နယ်အတွင်းရှိ ဆောက်လုပ်ရေးလုပ်ငန်းသုံး ပစ္စည်းဆိုင်များနှင့် သိုလှောင်ရုံနေရာများအား တရားမဝင် ဈေး

၉-၅-၂၀၂၅

၂၀၂၅ ခုနှစ် မေလ ၉ ရက် နံနက် ၉နာရီ ၃၀ မိနစ်တွင် ကရင်ပြည်နယ်၊ ကြာအင်းဆိပ်ကြီးခရိုင်၊ ကြာအင်းဆိပ်ကြီးမြို့နယ်အတွင်းရှိ အိမ်ဆောက်ပစ္စည်းအရောင်းဆိုင်များ တရားမဝင် ဈေးနှုန်းဖြင့် အမြတ်တင်ရောင်းချသောဆိုင်များမရှိစေရေး မြို့နယ်အထွေထွေအုပ်ချုပ်ရေးဦးစီးဌာန၊ ခေတ္တ မြို့နယ်အုပ်ချုပ်ရေးမှူး ဦးကျော်နုသည် မြို့နယ်အဆင့်ဌာနဆိုင်ရာများမှ တာဝန်ရှိသူများ၊ သက်ဆိုင်ရာ ရပ်ကွက်အုပ်ချုပ်ရေးမှူးတို့နှင့်အတူ ကွင်းဆင်းစစ်ဆေးဆောင်ရွက်ခဲ့ကြောင်း သတင်း ရရှိပါသည်။ အလားတူ ၂၀၂၅ ခုနှစ် မေလ ၉ ရက် နံနက် ၁၀ နာရီတွင် ရန်ကုန်တိုင်းဒေသကြီး၊ မင်္ဂလာဒုံခရိုင်၊ ရွှေပြည်သာမြို့နယ်၊ အမှတ်(၉) ရပ်ကွက်အတွင်းရှိ ဆောက်လုပ်ရေးလုပ်ငန်းသုံး ပစ္စည်းဆိုင်များနှင့် သိုလှောင်ရုံနေရာများအား ဈေးကစားရန်ရည်ရွယ်၍ သိုလှောင်ထားခြင်း၊ ရောင်းချခြင်းမရှိဘဲ ကြာရှည်သိုလှောင်ထားခြင်းများမရှိစေရေး၊ ဈေးနှုန်းမြှင့်တင်ရောင်းချခြင်း မရှိစေရေး မြို့နယ်မြေပြင်ကွင်းဆင်းကြပ်မတ်ရေးအဖွဲ့ ခေါင်းဆောင်ကိုယ်စား ဒုတိယမြို့နယ် အုပ်ချုပ်ရေးမှူး ဦးစောသန့်ဇင်ဦးသည် မြို့နယ်အဆင့်ဌာနဆိုင်ရာများမှ တာဝန်ရှိသူများ၊ သက်ဆိုင်ရာ ရပ်ကွက်အုပ်ချုပ်ရေးမှူးတို့နှင့်အတူ ကွင်းဆင်းစစ်ဆေး ဆောင်ရွက်ခဲ့ကြောင်း သတင်းရရှိပါသည်။

ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ တာမွေမြို့နယ်၊ မအူကုန်းရပ်ကွက်ရှိ ဆန်ဆိုင် များအား ဈေးနှုန်းမြှင့်တင်ရောင်းချခြင်းမရှိစေရေးကွင်းဆင်းစစ်ဆေး

၈-၅-၂၀၂၅

၂၀၂၅ ခုနှစ်၊ မေလ ၈ ရက်၊ နံနက် ၈နာရီ ၃၅ မိနစ်တွင် ရန်ကုန်တိုင်းဒေသကြီး၊ သင်္ဃန်း ကျွန်းခရိုင်၊ တာမွေမြို့နယ်၊ မအူကုန်းရပ်ကွက်ရှိဆန်ဆိုင်များအား ဈေးကစားရန် ရည်ရွယ်၍ သိုလှောင်ထားမှုမရှိစေရေး၊ ရောင်းချခြင်းမရှိဘဲ ကြာရှည်သိုလှောင်ထားခြင်းများမရှိစေရေး၊ ဈေးနှုန်းမြှင့်တင်ရောင်းချမှုမရှိစေရေးတို့အတွက် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ် အုပ်ချုပ်ရေးမှူး ဦးမြင့်ဝင်း ၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ စားသုံးသူရေးရာဦးစီးဌာနမှ တာဝန်ရှိသူများ၊ သက်ဆိုင်ရာရပ်ကွက်အုပ်ချုပ်ရေးမှူးများနှင့်အတူ မြေပြင်ကွင်းဆင်းစစ်ဆေးခဲ့ ကြောင်း သတင်းရရှိပါသည်။

ရန်ကုန်တိုင်းဒေသကြီး၊ မင်္ဂလာဒုံခရိုင်၊ မင်္ဂလာဒုံမြို့နယ်၊ ပေါက်ကုန်းရပ်ကွက်ဓမ္မာရုံ၌ နေရပ် စွန့်ခွာနေရသည့် ပြည်သူများအား ထောက်ပံ့ငွေများပေးအပ်ခြင်း

၈-၅-၂၀၂၅

၂၀၂၅ ခုနှစ် မေလ ၈ ရက် နံနက် ၁၀ နာရီတွင် ရန်ကုန်တိုင်းဒေသကြီး၊ မင်္ဂလာဒုံခရိုင်၊ မင်္ဂလာဒုံမြို့နယ်၊ ပေါက်ကုန်းရပ်ကွက်ဓမ္မာရုံ၌ အကြမ်းဖက်ဖြစ်စဉ်များကြောင့် နေရပ်စွန့်ခွာ နေရသည့် ပြည်သူများအား ထောက်ပံ့ငွေများပေးအပ်ခြင်း အခမ်းအနားကျင်းပပြုလုပ်ခဲ့ရာ အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူး ဦးထူးကျော်၊ မြို့နယ် စီမံအုပ်ချုပ်ရေးအဖွဲ့ အဖွဲ့ဝင်များ၊ မြို့နယ်ထောက်ပံ့ရေးအဖွဲ့ဝင်များ၊ သက်ဆိုင်ရာ ရပ်ကွက်/ ကျေးရွာအုပ်စု အုပ်ချုပ်ရေးမှူးများနှင့် နေရပ်စွန့်ခွာပြည်သူများ တက်ရောက်ခဲ့ကြပါသည်။ အဆိုပါအခမ်းအနားတွင် နေရပ်စွန့်ခွာပြည်သူများအား(၂)လစာ တစ်ဦးလျှင် ၄၀,၀၀ဝိ/-နှုန်းဖြင့် ၁၂၁ ဦးအတွက် စုစုပေါင်းငွေကျပ် ၄,၈၄ဝ,ဝဝဝိ/- ထောက်ပံ့ငွေများပေးအပ်ခဲ့ကြောင်း သတင်း ရရှိပါသည်။

ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၊ တောင်ရပ်ကွက်၊ အတုလမာန်အောင် ဘုန်းကြီးကျောင်းတွင် စစ်ကြောင်းကြီး (၅) ကြောင်းဖြင့် ပြည်သူ့ဝန်ဆောင်မှုပေးခြင်း

၇-၅-၂၀၂၅

၂၀၂၅ ခုနှစ် မေလ ၇ ရက် နံနက် ၉ နာရီတွင် ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ မြို့နယ်အထွေထွေအုပ်ချုပ်ရေးဦးစီးဌာန၊ ဒုတိယ မြို့နယ်အုပ်ချုပ်ရေးမှူး ဦးသာထွန်း၊ မြို့နယ်အဆင့်ဌာနဆိုင်ရာများမှ တာဝန်ရှိသူများနှင့်အတူ တောင်ရပ်ကွက်၊ အတုလမာန်အောင်ဘုန်းကြီးကျောင်းတွင် စစ်ကြောင်းကြီး (၅) ကြောင်းဖြင့် ကွင်းဆင်းတွေ့ဆုံပွဲ ကျင်းပပြုလုပ်ခဲ့ရာ တွေ့ဆုံပွဲတွင် နိုင်ငံသားစိစစ်ရေးကတ်ပြားများ ပြုလုပ် ခြင်း၊ ပြည်သူ့စစ်မှုထမ်းခြင်းဆိုင်ရာကိစ္စရပ်များ၊ လူကုန်ကူးမှုဆိုင်ရာကိစ္စရပ်များ၊ ကိုယ်ဝန်ဆောင် မိခင်များ ထောက်ပံ့ကြေးလျှောက်ထားနိုင်ရေးကိစ္စရပ်များ၊ လမ်းမကြီးဥပဒေ၊ ရာဇသတ်ကြီး ဥပဒေ၊ သစ်တောဥပဒေနှင့် လယ်ယာမြေဥပဒေဆိုင်ရာကိစ္စရပ်များ၊ စွန့်ပစ်အမှိုက်များနှင့် စိုက်ပျိုး သီးနှံများမှ ထွက်ရှိသောအမှိုက်များ မီးမရှို့ရန်ကိစ္စရပ်များ၊ မဲပေးခွင့်ကိစ္စနှင့် စက်ခလုတ်နှိပ် မဲပေးခြင်းအကြောင်းကိစ္စရပ်များ၊ သွေးလွန်တုပ်ကွေးရောဂါ၊ ပိုလီယိုရောဂါ၊ ဝက်သက်ရောဂါ ကာကွယ်ရေးအကြောင်း ကိစ္စရပ်များ၊ မီးဘေးအန္တရာယ်ကြိုတင်ကာကွယ်ရေး အကြောင်း ကိစ္စရပ်များ၊ ကျောင်းအပ်နှံရေးနှင့် အောင်စာရင်းထုတ်ပြန်ရေးဆိုင်ရာ ကိစ္စရပ်များ၊ မွေးမြူရေးနှင့် ခွေးရူးပြန်ရောဂါ အကြောင်းကိစ္စရပ်များနှင့် နိုင်ငံတော်မှ အကောင်အထည်ဖော် ဆောင်ရွက် နေသည့် လုပ်ငန်းစဉ်များအကြောင်း ဆွေးနွေးဟောပြောခဲ့ကြောင်း သတင်းရရှိပါသည်။

ရှမ်းပြည်နယ်အစိုးရအဖွဲ့၊ ဝန်ကြီးချုပ်ဖလားကိုယ်ပိုင်အုပ်ချုပ်ခွင့်ရဒေသများနှင့် ခရိုင်များအလိုက် အသက်(၂၅)နှစ်အောက် ဘော်လီဘောပြိုင်ပွဲဖွင့်ပွဲအခမ်းအနားကျင်းပ

၇-၅-၂၀၂၅

၂၀၂၅ ခုနှစ် မေလ ၇ ရက် နံနက် ၉ နာရီတွင် ရှမ်းပြည်နယ်(တောင်ပိုင်း)၊ တောင်ကြီး ခရိုင်၊ သစ်တောရပ်ကွက်၊ ပြည်နယ်လေ့ကျင့်ရေးအားကစားရုံ၌ ၂၀၂၅ခုနှစ်၊ ပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဖလား ကိုယ်ပိုင်အုပ်ချုပ်ခွင့်ရဒေသများနှင့် ခရိုင်များအလိုက် အသက် (၂၅)နှစ် အောက် ဘော်လီဘောပြိုင်ပွဲဖွင့်ပွဲအခမ်းအနားကျင်းပပြုလုပ်ခဲ့ရာ အခမ်းအနားသို့ ပြည်နယ်အစိုးရ အဖွဲ့ဝင် ဝန်ကြီး၊ ပြည်နယ်အားကစားနှင့် ကာယပညာဦးစီးဌာနမှ ညွှန်ကြားရေးမှူး၊ အားကစား နှင့်ကာယပညာသိပ္ပံ(တောင်ကြီး)မှ ကျောင်းအုပ်ကြီး၊ တက္ကသိုလ်ပါမောက္ခချုပ်၊ ဆေးတက္ကသိုလ် ပါမောက္ခချုပ်၊ တောင်ကြီးပညာရေးဒီကရီကောလိပ်မှ ကျောင်းအုပ်ဆရာမကြီး၊ ခရိုင်စီမံအုပ်ချုပ်ရေး အဖွဲ့ ဥက္ကဋ္ဌ ခရိုင်အုပ်ချုပ်ရေးမှူး ဦးတင့်လှိုင်၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများမှ တာဝန်ရှိသူများ၊ ပြည်နယ်အမျိုးသမီးရေးရာအဖွဲ့ ဥက္ကဋ္ဌနှင့် အဖွဲ့ဝင် များ၊ ပြိုင်ပွဲဝင်အားကစားသမားများနှင့် ဖိတ်ကြားထားသူများ စုစုပေါင်းအင်အား ၂၀၀ ဦး တို့ တက်ရောက်ခဲ့ကြောင်း သတင်းရရှိပါသည်။

မြဝတီခရိုင်စီမံအုပ်ချုပ်ရေးအဖွဲ့ ဥက္ကဌ ခရိုင်အုပ်ချုပ်ရေးမှူး ဦးကောင်းစံလင်းမှ အီသီယိုးပီးယားနိုင်ငံသား ၈၂ ဦးအား ထပ်မံလွှဲပြောင်းပေးအပ်ခြင်းတွင် ပူးပေါင်းပါဝင်ဆောင်ရွက်ခဲ့

၈-၅-၂၀၂၅

ကရင်ပြည်နယ်၊ မြဝတီခရိုင်၊ မြဝတီမြို့နယ်၌ မေလ ၀၈ ရက်တွင် တရားမဝင် အီသီယိုးပီးယားနိုင်ငံသား(၈၂)ဦးကို မြန်မာ-ထိုင်း အမှတ်(၂) ချစ်ကြည်ရေးတံတားမှ တစ်ဆင့် သက်ဆိုင်ရာနိုင်ငံသို့ လူသားချင်းစာနာ ထောက်ထားမှုနှင့် နိုင်ငံအချင်းချင်း ချစ်ကြည် ရင်းနှီးမှုတို့ကိုရှေးရှု၍ ဥပဒေလုပ်ထုံး လုပ်နည်းများနှင့်အညီ ထပ်မံ၍ ပြည်နှင်လွှဲပြောင်း ပေးခဲ့ပါသည်။ ယနေ့ ပြည်နှင်လွှဲပြောင်းပေးခဲ့သည့် နိုင်ငံခြားသားများ၏ ဖွင့်ဟဝန်ခံချက်များ အရ ၎င်းတို့အများစုသည် ထိုင်းနိုင်ငံသို့ တရားဝင် ဝင်ရောက်ခဲ့ပြီး မဲဆောက်မြို့မှ တစ်ဆင့် မြန်မာနိုင်ငံ ကရင်ပြည်နယ် မြဝတီမြို့သို့ နယ်စပ်လမ်းကြောင်းများမှ တရားမဝင်ဝင်ရောက်နေထိုင်ပြီး မြဝတီမြို့- ရွှေကုက္ကိုလ်၊ မယ်ထော်သလေး(KK Park) ကျောက်ခတ်နယ်မြေရှိ နိုင်ငံခြားသားများ ငှားရမ်းထားသည့် နေရာ၊အဆောက်အဦများ တွင် အွန်လိုင်းလောင်းကစားမှုများ၊ အွန်လိုင်း လိမ်လည်မှုများ အပါအဝင် ဒုစရိုက်မှု လုပ်ငန်းများ၌ ပါဝင်လုပ်ဆောင်ရန် စည်းရုံးစေခိုင်းခြင်း ခံခဲ့ကြရသူများဖြစ်ကြသည်။ ၂၀၂၅ ခုနှစ်၊ ဇန်နဝါရီလ ၃၀ ရက်မှ မေလ ၂၆ ရက်အထိ မြန်မာနိုင်ငံ အတွင်းသို့ တရားမဝင် ဝင်ရောက်လာသည့် နိုင်ငံခြားသား စုစုပေါင်း ၉၀၅၉ ဦးကို စစ်ဆေး ဖော်ထုတ်ထိန်းသိမ်းနိုင်ခဲ့ကာ ၎င်းတို့အနက်မှ ၇၇၉၅ ဦးကို ထိုင်းနိုင်ငံမှ တစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျ လွှဲပြောင်း ပေးခဲ့ပြီး ကျန်ရှိသည့် နိုင်ငံခြားသား ၁၂၆၄ ဦးကို သက်ဆိုင်ရာနိုင်ငံ အသီးသီးသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်း သတင်းရရှိသည်။

မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်အတွင်းရှိ စက်သုံးဆီအရောင်းဆိုင်များတွင် တရားမဝင်ရောင်းချမှုမရှိစေရေး ကွင်းဆင်းစစ်ဆေး

၇-၅-၂၀၂၅

၂၀၂၅ ခုနှစ် မေလ ၇ ရက် နံနက် ၁၀ နာရီတွင် မွန်ပြည်နယ်၊ ကျိုက်ထိုခရိုင်စီမံအုပ်ချုပ်ရေး အဖွဲ့ဥက္ကဋ္ဌ ခရိုင်အုပ်ချုပ်ရေးမှူး ဦးကံစောလှိုင်သည် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ ခရိုင်၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ဌာနဆိုင်ရာတာဝန်ရှိသူများနှင့်အတူ မြို့နယ်အတွင်းရှိ စက်သုံးဆီအရောင်းဆိုင်များတွင် တရားမဝင်ရောင်းချမှုမရှိစေရေးနှင့် ရည်ညွှန်းပါဈေးနှုန်းအတိုင်း ရောင်းချစေရေးတို့အတွက် ကွင်းဆင်းကြည့်ရှုစစ်ဆေးခဲ့ကြောင်း သတင်းရရှိပါသည်။

တနင်္သာရီတိုင်းဒေသကြီး၊ ဘုတ်ပြင်းခရိုင်၊ ဘုတ်ပြင်းမြို့နယ်၊ မြို့မဈေးအနီး၊ ပင်မရေမြောင်း ရေစီးရေလာကောင်းမွန်ရေးအတွက် မြေပြင်ကွင်းဆင်းစစ်ဆေး

၇-၅-၂၀၂၅

၂၀၂၅ ခုနှစ် မေလ ၇ ရက် နံနက် ၉ နာရီတွင် တနင်္သာရီတိုင်းဒေသကြီး၊ ဘုတ်ပြင်းခရိုင် စီမံအုပ်ချုပ်ရေးအဖွဲ့ဥက္ကဋ္ဌ ခရိုင်အုပ်ချုပ်ရေးမှူး ဦးမင်းကိုသည် ခရိုင်၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များနှင့်အတူ ဘုတ်ပြင်းမြို့နယ်၊ မြို့မဈေးအနီး၊ ပင်မရေမြောင်း ရေစီးရေလာကောင်းမွန်ရေး အတွက် မြေပြင်ကွင်းဆင်းစစ်ဆေးခဲ့ပြီး လိုအပ်သည်များ မှာကြားဆောင်ရွက်ခဲ့ကြောင်း သတင်း ရရှိပါသည်။

ရှမ်းပြည်နယ်၊ ပင်လောင်းမြို့နယ်၊ မြို့နယ်ဘက်စုံသုံးခန်းမ၌ KBZ Foundation နှင့် ရှမ်းတောင်ပရဟိတညီနောင်များကွန်ယက်မှ အင်အားပြင်း ငလျင်လှုပ်ခတ်ခဲ့မှုကြောင့် ပြိုကျပျက်စီးသွားသည့် စာသင်ကျောင်းများနှင့် လူနေအိမ်များအတွက် ထောက်ပံ့ငွေပေးအပ်ခြင်း

၆-၅-၂၀၂၅

၂၀၂၅ ခုနှစ် မေလ ၆ ရက် နံနက် ၁၀ နာရီတွင် ရှမ်းပြည်နယ်၊ ပအိုဝ်းကိုယ်ပိုင် အုပ်ချုပ်ခွင့်ရ ဒေသ၊ ပင်လောင်းမြို့နယ်၊ မြို့နယ်ဘက်စုံသုံးခန်းမ၌ KBZ Foundation နှင့် ရှမ်းတောင်ပရဟိတ ညီနောင်များကွန်ယက်မှ မြို့နယ်အတွင်း အင်အားပြင်း ငလျင်လှုပ်ခတ်ခဲ့မှုကြောင့် ပြိုကျပျက်စီး သွားသည့် စာသင်ကျောင်းများနှင့် လူနေအိမ်များအတွက် ထောက်ပံ့ငွေပေးအပ်ခြင်း အခမ်းအနား ကျင်းပပြုလုပ်ခဲ့ရာ အခမ်းအနားသို့ ပအိုဝ်းကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ဥက္ကဋ္ဌ ဦးခွန်ရဲထွေးနှင့် အဖွဲ့ဝင်များ၊ နာယကနှင့် အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ် အုပ်ချုပ်ရေးမှူး ဦးတင့်ဇော်ထက်၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ မြို့နယ်အဆင့်ဌာန ဆိုင်ရာများမှ တာဝန်ရှိသူများ၊ ရပ်ကွက်/ ကျေးရွာအုပ်စု အုပ်ချုပ်ရေးမှူးများ၊ ငလျင်ကြောင့်ပြိုကျ ပျက်စီးခဲ့သည့် စာသင်ကျောင်းများမှ ကျောင်းအုပ်ဆရာ/မကြီးများ၊ ကျောင်းကော်မတီဝင်များ၊ ငလျင်ဘေးသင့်ပြည်သူများ စုစုပေါင်းအင်အား ၄၅၀ ဦးတို့ တက်ရောက်ခဲ့ပါသည်။ အဆိုပါအခမ်းအနားတွင် KBZ Foundation နှင့် ရှမ်းတောင်ပရဟိတညီနောင်များ ကွန်ယက်မှ တာဝန်ရှိသူက ငလျင်ဘေးသင့် ပြည်သူများအတွက် ကူညီကယ်ဆယ်ထောက်ပံ့ရေး လုပ်ငန်းစဉ်များ အကြောင်းရှင်းလင်းခြင်း၊ ငလျင်ဘေးသင့်မှုကြောင့် ပြိုကျပျက်စီးခဲ့သည့် စာသင်ကျောင်းများနှင့် လူနေအိမ်များအတွက် ထောက်ပံ့ငွေများပေးအပ်ခဲ့ရာ ပအိုဝ်းကိုယ်ပိုင် အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ ဒေသခံပြည်သူများမှ လက်ခံရယူ ခဲ့ကြောင်း သတင်းရရှိပါသည်။