ရန်ကုန်တိုင်းဒေသကြီး၊ လှည်းကူးခရိုင်၊ လှည်းကူးမြို့နယ်၊ ဈေးပိုင်းရပ်ကွက်ရှိ “ကျော်” ဆေးခန်းအား ပုဂ္ဂလိကကျန်းမာရေးလုပ်ငန်းဆိုင်ရာဥပဒေနှင့်အညီ ဆောင်ရွက်မှုရှိ/ မရှိအား ကွင်းဆင်းစစ်ဆေး

၁၉-၈-၂၀၂၅

၂၀၂၅ ခုနှစ်၊ ဩဂုတ်လ ၁၉ ရက် နံနက် ၈ နာရီ ၃၀ မိနစ်တွင် ရန်ကုန်တိုင်းဒေသကြီး၊ လှည်းကူးခရိုင်၊ လှည်းကူးမြို့နယ်၊ ဈေးပိုင်းရပ်ကွက်ရှိ “ကျော်” ဆေးခန်းအား ပုဂ္ဂလိကကျန်းမာရေး လုပ်ငန်းဆိုင်ရာဥပဒေနှင့်အညီ ဆောင်ရွက်မှုရှိ/ မရှိအား မြို့နယ်စီမံခန့်ခွဲရေးနှင့်အုပ်ချုပ်ရေး ကော်မတီ အဖွဲ့ဝင်များ၊ ဒုတိယမြို့နယ်အုပ်ချုပ်ရေးမှူး ဦးသန်းထွဋ်နိုင်၊ ပြည်သူ့ကျန်းမာရေး ဦးစီးဌာန၊ မြို့နယ်ကုသရေးဦးစီးဌာန၊ မြို့နယ်စည်ပင်သာယာရေးဦးစီးဌာန၊ မြို့နယ်မီးသတ်ဦးစီးဌာနတို့ နှင့်အတူ ကွင်းဆင်းစစ်ဆေးခဲ့ကြောင်း သတင်းရရှိပါသည်။

ရန်ကုန်တိုင်းဒေသကြီး၊ အလုံခရိုင်၊ ကြည့်မြင်တိုင်မြို့နယ်၊ ဝါးရုံဆိပ်အေးရွာအနောက်ရပ်ကွက်ရှိ စိုက်ပျိုးဧကပေါ်တွင် စပါးပင်များလေလွင့်ဆုံးရှုံးမှုမရှိစေရေးအတွက် တောင်သူများအား တွေ့ဆုံ၍ အသိပညာပေးဆွေးနွေး

၁၉-၈-၂၀၂၅

၂၀၂၅ ခုနှစ်၊ ဩဂုတ်လ ၁၉ ရက် နံနက် ၉ နာရီ ၃၀ မိနစ်တွင် ရန်ကုန်တိုင်းဒေသကြီး၊ အလုံခရိုင်၊ ကြည့်မြင်တိုင်မြို့နယ်၊ ဝါးရုံဆိပ်အေးရွာအနောက်ရပ်ကွက်ရှိ တောင်သူများအား ၂၀၂၅- ၂၀၂၆ ခုနှစ်တွင် စိုက်ပျိုးလျက်ရှိသော မိုးစပါး ၈၃၆ ဧကအတွက် ဓာတ်မြေဩဇာသွင်းအားစုများကို စနစ်တကျ အကျိုးရှိစွာ အသုံးပြု၍ ပန်းတိုင်အထွက်နှုန်းတိုးတက်ရေးနှင့် စပါးပင်များလေလွင့်ဆုံးရှုံးမှုမရှိစေရေး နိုင်ငံတော်မှ အရည်အသွေးပြည့်မီသည့် ဓာတ်မြေဩဇာသွင်းအားစုများ ရောင်းချပေးရန်ဆောင်ရွက် လျက်ရှိကြောင်း မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ မြို့နယ်အုပ်ချုပ်ရေးမှူး ဦးမျိုးညီညီ ဦးဆောင်၍ အဖွဲ့ဝင်များမှ တောင်သူများအား တွေ့ဆုံ၍ အသိပညာပေးဆွေးနွေးခဲ့ကြောင်း သတင်းရရှိပါသည်။

ကရင်ပြည်နယ်၊ မြဝတီခရိုင်၊ မြဝတီမြို့၊ အမှတ်(၁)အခြေခံပညာအထက်တန်းကျောင်း၊ အစည်းအဝေး ခန်းမ၌ ကျင်းပပြုလုပ်သည့် မြန်မာအီလက်ထရောနစ်မဲပေးစက်(MEVM) ကိုင်တွယ်အသုံးပြုနည်း သင်တန်းဖွင့်ပွဲအခမ်းအနား ကျင်းပပြုလုပ်

၁၉-၈-၂၀၂၅

၂၀၂၅ ခုနှစ်၊ ဩဂုတ်လ ၁၉ ရက် နံနက် ၉ နာရီတွင် ကရင်ပြည်နယ်၊ မြဝတီခရိုင်၊ မြဝတီမြို့၊ အမှတ်(၁)အခြေခံပညာအထက်တန်းကျောင်း၊ အစည်းအဝေးခန်းမ၌ ကျင်းပပြုလုပ်သည့် မြန်မာ အီလက်ထရောနစ် မဲပေးစက် (MEVM) ကိုင်တွယ်အသုံးပြုနည်း သင်တန်းဖွင့်ပွဲအခမ်းအနားသို့ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဋ္ဌ ခရိုင်အုပ်ချုပ်ရေးမှူး ဦးကောင်းစံလင်းနှင့် အဖွဲ့ဝင်များ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌနှင့် အဖွဲ့ဝင်များ၊ သက်ဆိုင်ရာ ဌာနတာဝန်ရှိသူများတို့နှင့်အတူ တက်ရောက်ခဲ့ကြောင်း သတင်းရရှိပါသည်။

ရှမ်းပြည်နယ်၊ မိုင်းတုံခရိုင်၊ မိုင်းတုံမြို့နယ်၊ မဲကင်ကျေးရွာအစည်းအဝေးခန်းမ၌ ပြည်သူ့စစ်မှုထမ်း ဥပဒေ၊ နည်းဥပဒေဆိုင်ရာအသိပညာပေးဟောပြောပွဲကျင်းပ

၁၈-၈-၂၀၂၅

၂၀၂၅ ခုနှစ်၊ ဩဂုတ်လ ၁၈ ရက် နံနက် ၁၀ နာရီတွင် ရှမ်းပြည်နယ်၊ မိုင်းတုံခရိုင်၊ မိုင်းတုံမြို့နယ်၊ မဲကင်ကျေးရွာအစည်းအဝေးခန်းမ၌ ပြည်သူ့စစ်မှုထမ်းဥပဒေ၊ နည်းဥပဒေဆိုင်ရာအသိပညာပေး ဟောပြောပွဲသို့ ခရိုင်ပြည်သူ့စစ်မှုထမ်းဆင့်ခေါ်ရေးအဖွဲ့ဥက္ကဋ္ဌ ခရိုင်အုပ်ချုပ်ရေးမှူး ဦးငြိမ်းထွန်းကျော်၊ မြို့နယ်ပြည်သူ့စစ်မှုထမ်းဆင့်ခေါ်ရေးအဖွဲ့ဥက္ကဋ္ဌနှင့် အဖွဲ့ဝင်များမှ ဒေသခံပြည်သူများအား ပြည်သူ့ စစ်မှုထမ်းဥပဒေ၊ နည်းဥပဒေများအား ချပြရှင်းလင်းဆွေးနွေးခြင်းနှင့် သိလိုသည်များအား အပြန် အလှန် ဆွေးနွေးပေးခဲ့ကြောင်း သတင်းရရှိပါသည်။

တနင်္သာရီတိုင်းဒေသကြီး၊ ဘုတ်ပြင်းခရိုင်၊ ဘုတ်ပြင်းမြို့၊ ရွှေဘုံသာရပ်ကွက်၊ မိုးလုံလေလုံ အားကစားရုံတွင် မြန်မာအီလက်ထရောနစ် မဲပေးစက်(MEVM) စမ်းသပ်သရုပ်ပြခြင်းနှင့် ကိုင်တွယ် အသုံးပြုခြင်းဆိုင်ရာ နည်းပြဆရာဖြစ်သင်တန်းဖွင့်လှစ်

၁၈-၈-၂၀၂၅

၂၀၂၅ ခုနှစ်၊ ဩဂုတ်လ ၁၈ ရက် နံနက် ၁၀ နာရီတွင် တနင်္သာရီတိုင်းဒေသကြီး၊ ဘုတ်ပြင်းခရိုင်၊ ဘုတ်ပြင်းမြို့၊ ရွှေဘုံသာရပ်ကွက်၊ မိုးလုံလေလုံအားကစားရုံတွင် မြန်မာအီလက်ထရောနစ် မဲပေးစက်(MEVM) စမ်းသပ်သရုပ်ပြခြင်းနှင့် ကိုင်တွယ်အသုံးပြုခြင်းဆိုင်ရာ နည်းပြဆရာဖြစ် သင်တန်း ဖွင့်လှစ်နေမှု အခြေအနေအား ခရိုင်စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌ ခရိုင်အုပ်ချုပ်ရေးမှူး ဦးမင်းကို ဦးဆောင်၍ ခရိုင်၊ မြို့နယ်မြန်မာအီလက်ထရောနစ် မဲပေးစက်(MEVM)ဆိုင်ရာ ကြီးကြပ်ရေး အဖွဲ့ အဖွဲ့ဝင်များနှင့်အတူ ကြည့်ရှုစစ်ဆေးခဲ့ပြီး လိုအပ်သည်များ ဆောင်ရွက်ပေးခဲ့ကြောင်း သတင်း ရရှိပါသည်။

တနင်္သာရီတိုင်းဒေသကြီး၊ ကော့သောင်းခရိုင်၊ ကော့သောင်းမြို့၊ အဏ္ဏဝါရပ်ကွက်ရှိ ၉၉၉ ပဲ့ချိတ် လှေဆိပ်တွင် လှေငယ်များ ဝင်/ ထွက်သွားလာနေမှုနှင့် ခရီးသည်များ Life Jacket ဝတ်ဆင်ထားမှု ရှိ/မရှိအား ကွင်းဆင်းစစ်ဆေး

၁၈-၈-၂၀၂၅

၂၀၂၅ ခုနှစ်၊ ဩဂုတ်လ ၁၈ ရက် နံနက် ၁၀ နာရီ ၃၀ မိနစ်တွင် တနင်္သာရီတိုင်းဒေသကြီး၊ ကော့သောင်းခရိုင်၊ ကော့သောင်းမြို့၊ အဏ္ဏဝါရပ်ကွက်ရှိ ၉၉၉ ပဲ့ချိတ်လှေဆိပ်တွင် လှေငယ်များဝင်/ ထွက် သွားလာနေမှုနှင့် ခရီးသည်များ Life Jacket ဝတ်ဆင်ထားမှုရှိ/ မရှိအား ခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ ခရိုင်အုပ်ချုပ်ရေးမှူး ဦးရဲမြတ်တင့်သည် ခရိုင်စီမံခန့်ခွဲရေးနှင့်အုပ်ချုပ်ရေး ကော်မတီအဖွဲ့ဝင်များ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ၊ သက်ဆိုင်ရာဌာန တာဝန် ရှိသူများနှင့်အတူ ကြည့်ရှုစစ်ဆေးခဲ့ကြောင်း သတင်းရရှိပါသည်။

ရှမ်းပြည်နယ်၊ ကျိုင်းတုံခရိုင်၊ ကျိုင်းတုံမြို့နယ်၊ တုံတာမြို့၊ နမ့်စင်ချောင်းရေတိုက်စားမှုကြောင့် ဝန်ထမ်း အိမ်ရာရှိ အုတ်တံတိုင်းပြိုကျသည့်နေရာများအား ကွင်းဆင်းစစ်ဆေး

၁၇-၈-၂၀၂၅

၂၀၂၅ ခုနှစ်၊ ဩဂုတ်လ ၁၇ ရက် နံနက် ၉ နာရီတွင် ရှမ်းပြည်နယ်၊ ကျိုင်းတုံခရိုင်၊ မိုင်းပျဉ်း မြို့နယ်၊ တုံတာမြို့၊ နမ့်စင်ချောင်းရေတိုက်စားမှုကြောင့် ဝန်ထမ်းအိမ်ရာရှိ အုတ်တံတိုင်းများပြိုကျသည့် နေရာများအား ပြည်နယ်အစိုးရအုပ်ချုပ်ရေးအဖွဲ့ခွဲ(ရှမ်းအရှေ့) ဥက္ကဋ္ဌ ညွှန်ကြားရေးမှူး ဦးတင်လင်း ဦးဆောင်၍ ပြည်နယ်အဆင့်ဌာနဆိုင်ရာတာဝန်ရှိသူများ၊ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဋ္ဌနှင့် အဖွဲ့ဝင်များမှ ကွင်းဆင်းစစ်ဆေး၍ လက်ရှိရေတိုက်စားလျက်ရှိသော နမ့်စင်ချောင်းအား ရေစီးကြောင်းပြောင်းလဲစေရေးအတွက် ဆည်မြောင်းဦးစီးဌာနမှ တာဝန်ရှိသူများနှင့်ညှိနှိုင်းဆွေးနွေးပြီး ရေလွှဲရေကာတန်း ဆောင်ရွက်နိုင်မည့် နေရာအားသတ်မှတ်၍ အမြန်ဆုံးဆောင်ရွက်နိုင်ရေး လိုအပ် သည်များ ဖြည့်ဆည်းဆောင်ရွက်ပေးခဲ့ကြောင်း သတင်းရရှိပါသည်။

ရှမ်းပြည်နယ်၊ ကျိုင်းတုံခရိုင်၊ ကျိုင်းတုံမြို့နယ်၌ ၂၀၂၄-၂၀၂၅ခုနှစ်၊ ပြည်နယ်အစိုးရရန်ပုံငွေဖြင့် ကျိုင်းတုံ-တောင်ကြီးကားလမ်း ချောင်းရေတိုက်စားမှုအပေါ် ယာယီကမ်းထိန်းခြင်းလုပ်ငန်းဆောင်ရွက် နေမှုအခြေအနေများအား ကွင်းဆင်းစစ်ဆေး

၁၇-၈-၂၀၂၅

၂၀၂၅ ခုနှစ်၊ ဩဂုတ်လ ၁၇ ရက် နေ့လယ် ၂ နာရီ ၁၅ မိနစ်တွင် ရှမ်းပြည်နယ်၊ ကျိုင်းတုံခရိုင်၊ ကျိုင်းတုံမြို့နယ်၌ ၂၀၂၄-၂၀၂၅ ခုနှစ်၊ ပြည်နယ်အစိုးရရန်ပုံငွေဖြင့် ဆောင်ရွက်ခဲ့သည့် ကျိုင်းတုံ-တောင်ကြီး ကားလမ်းချောင်းရေတိုက်စားမှုအပေါ် နမ့်အော်ချောင်းအား ယာယီကမ်းထိန်းခြင်းလုပ်ငန်းဆောင်ရွက်ရန် အတွက် ဦးစားပေး ၁၊ ၂၊ ၃ ဖြင့် ချောင်းတူးခြင်းနှင့် သဲနုန်းတူးဖော်၍ ကမ်းထိန်းကဒစ်တန်း တည်ဆောက်ခြင်း လုပ်ငန်းများအား ပြည်နယ်အစိုးရအုပ်ချုပ်ရေးအဖွဲ့ခွဲ(ရှမ်းအရှေ့) ဥက္ကဋ္ဌ ညွှန်ကြား ရေးမှူး ဦးတင်လင်း ဦးဆောင်၍ ပြည်နယ်အဆင့်သက်ဆိုင်ရာဌာနတာဝန်ရှိသူများ၊ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌနှင့် အဖွဲ့ဝင်များနှင့်အတူ ကွင်းဆင်းစစ်ဆေးခဲ့ပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိပါသည်။

ရှမ်းပြည်နယ်၊ လွိုင်လင်ခရိုင်၊ လွိုင်လင်မြို့အထွက် နေမင်းရောင်တိုးဂိတ်တွင် ယာဉ်/လမ်းအန္တရာယ် ကင်းရှင်းရေးအတွက် မော်တော်ယာဉ်မောင်းနှင်သူများအား လက်ကမ်းစာစောင်များ ဖြန့်ဝေခြင်းနှင့် အသိပညာပေးခြင်းဆောင်ရွက်

၁၅-၈-၂၀၂၅

၂၀၂၅ ခုနှစ်၊ ဩဂုတ်လ ၁၅ ရက် နံနက် ၁၀ နာရီ ၃၀ မိနစ်တွင် ရှမ်းပြည်နယ်၊ လွိုင်လင်ခရိုင်၊ လွိုင်လင်မြို့အထွက် နေမင်းရောင်တိုးဂိတ်တွင် ယာဉ်/ လမ်းအန္တရာယ်ကင်းရှင်းရေးအတွက် အသိပညာ ပေးလက်ကမ်းစာစောင်များ ဖြန့်ဝေခြင်းနှင့် မော်တော်ယာဉ်များ တန်ပိုတင်ဆောင်မှုလျော့ကျစေရေး အတွက် ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ခရိုင်အုပ်ချုပ်ရေးမှူး ဦးကြည်မြင့် ဦးဆောင်၍ ခရိုင်ရဲတပ်ဖွဲ့မှူး၊ ခရိုင်လမ်းဦးစီးဌာန၊ ခရိုင်ကုန်းလမ်းပို့ဆောင်ရေးညွှန်ကြားမှုဦးစီးဌာန၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ၊ ပို့ဆောင်ရေးစီမံကိန်းဦးစီးဌာနမှ တာဝန်ရှိသူများ နှင့်အတူ အသိပညာပေး ဆောင်ရွက်ခဲ့ကြောင်း သတင်းရရှိပါသည်။