ဝါဆိုသင်္ကန်းဆက်ကပ်လှူဒါန်းပွဲ အခမ်းအနားကျင်းပ
၁-၈-၂၀၂၃ရှမ်းပြည်နယ်၊ မိုင်းရှူးခရိုင်၊ မိုင်းရှူးမြို့၊ အမှတ်(၄)ရပ်ကွက် မြို့လယ်ဟံသာမုနိဘုရားကြီး ကျောင်း၌ ဝါဆိုသင်္ကန်းဆက်ကပ်လှူဒါန်းပွဲအခမ်းအနားကို (၁-၈-၂၀၂၃)ရက်၊ (၀၅၃၀) အချိန်တွင် ကျင်းပပြုလုပ်ခဲ့ရာ အခမ်းအနားသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမောင်မောင်လွင် (ခရိုင် အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ခရိုင်/ မြို့နယ်အဆင့်ဌာနဆိုင်ရာ အကြီးအကဲများနှင့် ဝန်ထမ်းများ၊ ခရိုင်/ မြို့နယ်အမျိုးသမီးရေးရာအဖွဲ့ဝင်များ၊ မိခင်နှင့်ကလေး စောင့်ရှောက်ရေးအသင်းဝင်များ၊ မြို့မိ၊ မြို့ဖများ၊ စေတနာရှင်ပြည်သူများနှင့်အတူစုပေါင်း၍ မြို့ပေါ်ရှိဘုန်းတော်ကြီးကျောင်း(၇)ကျောင်းမှ ကျောင်းတိုက်ပဓာနနာယကဆရာတော်(၇)ပါးနှင့် ဆရာတော်၊ သံဃာတော်(၃၆၉)ပါးတို့အားပင့်ဖိတ်၍ ဝါဆိုသင်္ကန်းအစရှိသော လှူဖွယ်ဝတ္ထုပစ္စည်းများ ဆက်ကပ်ခြင်းနှင့် အာရုံဆွမ်းများ ဆက်ကပ်လှူဒါန်းခဲ့ကြောင်း သတင်းရရှိပါသည်။
