မိုးစပါးရိတ်သိမ်းမှုအခြေအနေအား ကွင်းဆင်းစစ်ဆေး

၁-၁၂-၂၀၂၃

ရှမ်းပြည်နယ်၊ လွိုင်လင်ခရိုင်၊ လွိုင်လင်မြို့နယ်၊ မိုင်းပွန်ကျေးရွာ၊ ကွင်းအမှတ် (၅)၊ မြို့မ အနောက်ကွင်း၊ ဦးပိုင်အမှတ်(၄)၌ စိုက်ပျိုးထားသော DU-12 မျိုးစပါးစိုက်ကွက်တွင် မိုးစပါး စံကွက်ရိတ်သိမ်းနေမှုအခြေအနေအား (၁-၁၂-၂၀၂၃)ရက်၊ (၁၀၀၀)အချိန်တွင် ခရိုင်စီမံအုပ်ချုပ်ရေး အဖွဲ့ဥက္ကဋ္ဌ ဦးကံစောလှိုင် (ခရိုင်အုပ်ချု်ပရေးမှူး)သည် ခရိုင်စီမံအုပ်ချုပ်ရေးအဖွဲ့ အဖွဲ့ဝင်များ၊ ခရိုင်စိုက်ပျိုးရေးဦးစီးဌာနမှ တာဝန်ရှိသူများ၊ ခရိုင်/ မြို့နယ်စိုက်ပျိုးရေးလုပ်ငန်းများ တိုးတက်မြင့်မားရေး ကြီးကြပ်မှုအဖွဲ့ဝင်များ၊ သက်ဆိုင်ရာဌာနများမှ တာဝန်ရှိသူများနှင့်အတူ ကြည့်ရှုစစ်ဆေးခဲ့ပြီး စံကွက်ရိတ်သိမ်းမှုအရ (၁)ဧကလျှင် စပါးအစို (၁၀၃.၀၀)တင်းနှုန်း ထွက်ရှိပါကြောင်း သတင်း ရရှိပါသည်။

နိုင်ငံ့စီးပွားမြှင့်တင်ရေးရန်ပုံငွေ ထောက်ပံ့ပေးအပ်ခြင်း

၃၀-၁၁-၂၀၂၃

ရှမ်းပြည်နယ်၊ ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ (၃၀-၁၁-၂၀၂၃) ရက်၊ (၁၀၀၀)အချိန်တွင် နိုင်ငံ့စီးပွားမြှင့်တင်ရေးရန်ပုံငွေ ထောက်ပံ့ပေးအပ်ခြင်းအခမ်းအနားကျင်းပပြုလုပ်ခဲ့ရာ အခမ်းအနားသို့ မြို့နယ်နိုင်ငံ့စီးပွားမြှင့်တင်ရေး ရန်ပုံငွေစီမံကိန်းကြီးကြပ်မှုကော်မတီဥက္ကဋ္ဌ ဦးခင်မောင်ဦး(မြို့နယ်အုပ်ချုပ်ရေးမှူး)၊ မြို့နယ်စီမံ အုပ်ချုပ်ရေးအဖွဲ့ အဖွဲ့ဝင်များ၊ ကော်ဖီကုန်ထုတ်လုပ်ငန်းအစုအဖွဲ့ (၂)ဖွဲ့နှင့် သမဝါယမအသင်း (၃)သင်းတို့မှ အစုအဖွဲ့ဝင်များ စုစုပေါင်းအင်အား (၇၅)ဦးတို့ တက်ရောက်ခဲ့ကြပါသည်။ အဆိုပါ အခမ်းအနားတွင် မြို့နယ်နိုင်ငံ့စီးပွားမြှင့်တင်ရေးရန်ပုံငွေ စီမံကိန်းကြီးကြပ်မှုကော်မတီ ဥက္ကဋ္ဌက အဖွင့်အမှာစကားပြောကြားခြင်း၊ မြို့နယ်စိုက်ပျိုးရေးဦးစီးဌာနတာဝန်ရှိသူက စာချုပ်ပါအချက်လက် များအား ရှင်းလင်းဆွေးနွေးခြင်းများ ဆောင်ရွက်ခဲ့ကြောင်း သတင်းရရှိပါသည်။

ဒေသခံပြည်သူများအား တီဘီရောဂါတိုက်ဖျက်ရေးစီမံကိန်းအရ ရောဂါရှာဖွေကုသပေးနေမှု အခြေအနေအား ကွင်းဆင်းစစ်ဆေး

၂၉-၁၁-၂၀၂၃

မကွေးတိုင်းဒေသကြီး၊ မင်းဘူးခရိုင်၊ ငဖဲမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်စိုး (မြို့နယ်အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ တိုင်းဒေသကြီး ပြည်သူ့ ကျန်းမာရေးဦးစီးဌာနမှ တာဝန်ရှိသူများနှင့်အတူ (၂၉-၁၁-၂၀၂၃) ရက်၊ (၀၉၀၀)အချိန်တွင် မြို့နယ်အတွင်းရှိ ပေကုန်းကျေးရွာအုပ်စု၊ ပေကုန်းကျေးရွာ၊ ကန်လယ်မင်းကျောင်းတိုက်ဓမ္မာရုံ၌ ဒေသခံပြည်သူများအား တီဘီရောဂါတိုက်ဖျက်ရေးစီမံကိန်းအရ တီဘီရောဂါ၊ အနာကြီးရောဂါနှင့် အထွေထွေရောဂါလူနာများအား ရောဂါရှာဖွေကုသပေးနေမှုအခြေအနေအား ကွင်းဆင်းစစ်ဆေးခဲ့ပြီး လိုအပ်သည်များပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိပါသည်။

တိုင်းဒေသကြီးစည်းရုံးရေးကော်မတီနှင့် မိသားစုစည်းရုံးရေးနှင့် စည်းကမ်းထိန်းသိမ်းရေး ကော်မတီဆွေးနွေးပွဲကျင်းပ

၂၉-၁၁-၂၀၂၃

တနင်္သာရီတိုင်းဒေသကြီးအထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ (၂၉-၁၁-၂၀၂၃) ရက်၊ (၁၀၀၀)အချိန်တွင် တိုင်းဒေသကြီးစည်းရုံးရေးကော်မတီနှင့် မိသားစု စည်းရုံးရေးနှင့် စည်းကမ်းထိန်းသိမ်းရေးကော်မတီဆွေးနွေးပွဲကျင်းပပြုလုပ်ခဲ့ရာ အခမ်းအနားသို့ မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီ ဒုတိယဥက္ကဋ္ဌ၊ ညွှန်ကြားရေးမှူး ဦးတေဇာအောင်၊ မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီဝင်များ၊ တိုင်းဒေသကြီး အထွေထွေအုပ်ချုပ်ရေးဦးစီးဌာနမှ အရာထမ်း၊ အမှုထမ်းများ တက်ရောက်ခဲ့ကြပါသည်။ အဆိုပါ ဆွေးနွေးပွဲတွင် မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီ ဒုတိယဥက္ကဋ္ဌက အဖွင့်အမှာစကားပြောကြားခြင်း၊ အမှုထမ်း (၇)ဦးတို့မှ “ မိသားစုဝင်ငွေတိုးပွားရေး အသေးစား၊ အငယ်စားနှင့် အလတ်စား စီးပွားရေးလုပ်ငန်း (MSME)များဖန်တီးပေး”၊ “ငြိမ်းချမ်းရေးပေါင်းကူး တံတားဆီမှ လက်ကမ်းကြိုဆိုနေမည့် NCA ပန်းတိုင်ဆီ”၊ “ကျူရှင်နှင့်သင့်ကလေး၏ ကိုယ်စွမ်းကိုယ်စ နိမ့်ကျမှုကင်းဝေးရလေအောင်”၊ “အဆုတ်ကျန်းမာစေမည့် အမူအကျင့်ကောင်းများ”၊ “ ကျောင်းနေအရွယ် ကလေးများအား နွားနို့တိုက်ကျွေးသင့်သောအကြောင်းအရင်း”၊ “အမျိုးသမီးမှန်ရင် သိထားသင့်တဲ့ စိတ်ဖိစီးမှုလက္ခဏာများနဲ့ ထိန်းချုပ်နိုင်မည့်နည်းလမ်းများ”၊ “အဝလွန်ခြင်းနှင့် သွေးတိုးရောဂါအန္တရာယ်” စသည့်ခေါင်းစဉ်များအား ဆွေးနွေးခဲ့ကြောင်း သတင်းရရှိပါသည်။

မဲရုံနေရာအရေအတွက်သတ်မှတ်နိုင်ရေး လုပ်ငန်းညှိနှိုင်းအစည်းအဝေးကျင်းပ

၂၈-၁၁-၂၀၂၃

ရှမ်းပြည်နယ်၊ တာချီလိတ်ခရိုင်၊ မိုင်းဖြတ်မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် အုပ်ချုပ်ရေးမှူးရုံးခန်း၌ (၂၈-၁၁-၂၀၂၃) ရက်၊ (၁၃၀၀)အချိန်တွင် မဲရုံနေရာအရေအတွက် သတ်မှတ်နိုင်ရေး လုပ်ငန်းညှိနှိုင်းအစည်းအဝေးကျင်းပပြုလုပ်ခဲ့ရာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးညီညီအောင် (မြို့နယ်အုပ်ချုပ်ရေးမှူး)၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ မြို့နယ်ရွေးကောက်ပွဲ ကော်မရှင်အဖွဲ့ခွဲမှတာဝန်ရှိသူများ၊ ပညာရေးဝန်ကြီးဌာနမှတာဝန်ရှိသူများ၊ အားကစားနှင့် ကာယပညာ ဦးစီးဌာနမှတာဝန်ရှိသူများ၊ ရပ်ကွက်အုပ်ချုပ်ရေးမှူးများတက်ရောက်ခဲ့ကြပါသည်။ အဆိုပါ အစည်းအဝေးတွင် အထွေထွေရွေးကောက်ပွဲအတွက် မဲရုံနေရာအရေအတွက် သတ်မှတ်နိုင်ရေး ကိစ္စရပ်များနှင့်စပ်လျဉ်း၍ ညှိနှိုင်းဆွေးနွေးခဲ့ကြောင်း သတင်းရရှိပါသည်။

ဗလငါးတန်နှင့်ပြည့်စုံသောလူငယ်နှင့် တိုင်းရင်းသားရေးရာ အသိပညာပေး နှီးနှောဖလှယ်ပွဲ ကျင်းပ

၂၁-၁၁-၂၀၂၃

မကွေးတိုင်းဒေသကြီး၊ မင်းဘူးခရိုင်၊ ငဖဲမြို့နယ်အခြေခံပညာအထက်တန်းကျောင်း ဗိုလ်ရွှဲ ခန်းမ၌ (၂၁-၁၁-၂၀၂၃)ရက်၊ (၁၀၀၀)အချိန်တွင် တိုင်းဒေသကြီး တိုင်းရင်းသားစာပေနှင့် ယဉ်ကျေးမှု ဦးစီးဌာနမှ ကြီးမှူးကျင်းပသည့် ဗလငါးတန်နှင့်ပြည့်စုံသောလူငယ်နှင့် တိုင်းရင်းသားရေးရာ အသိပညာပေး နှီးနှောဖလှယ်ပွဲသို့ တိုင်းဒေသကြီးအစိုးရအဖွဲ့ တိုင်းရင်းသားရေးရာဝန်ကြီး ဦးထွန်းခင်၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်စိုး (မြို့နယ်အုပ်ချုပ်ရေးမှူး)၊ မြို့နယ်စီမံအုပ်ချုပ်ရေး အဖွဲ့ အဖွဲ့ဝင်များ ကျောင်းသား/ သူ များ တက်ရောက်ခဲ့ပါသည်။ အဆိုပါအခမ်းအနားတွင် ကျောင်းသား/ သူလူငယ်များအနေဖြင့် ရည်မှန်းချက်ကိုယ်စီထားရှိရေး၊ ယဉ်ကျေးသိမ်မွေ့သော လူငယ်များဖြစ်လာရေး၊ နိုင်ငံနှင့်လူမျိုးကို ချစ်မြတ်နိုးတတ်စေရေး၊ အချိန်ကိုစီမံခန့်ခွဲ တတ်သူများဖြစ်စေရေး၊ စာဖတ်ခြင်းဖြင့် အသိပညာမြင့်မားပြီး ဗလငါးတန်ဖွံ့ဖြိုးကာ လူငယ်တို့၏ အနာဂတ်ဘဝပိုမိုမြင့်မားလာရေးတို့ကို ဆွေးနွေးဟောပြောခဲ့ကြောင့် သတင်းရရှိပါသည်။

စုပေါင်းသန့်ရှင်းရေးဆောင်ရွက်နေမှုအခြေအနေအား ကြည့်ရှုအားပေး

၁၈-၁၁-၂၀၂၃

ရှမ်းပြည်နယ်၊ တာချီလိတ်ခရိုင်၊ မိုင်းဖြတ်မြို့နယ်၊ ဝမ်ဟွေရပ်ကွက်၊ အခြေခံပညာမူလတန်း ကျောင်း၌ (၁၈-၁၁-၂၀၂၃)ရက်၊ (၀၇၃၀)အချိန်တွင် ဌာနဆိုင်ရာဝန်ထမ်းများစုပေါင်း၍ အခြေခံပညာ မူလတန်းကျောင်းအတွင်း/အပြင်သန့်ရှင်းရေးများ ဆောင်ရွက်ခြင်း၊ ရေနုတ်မြောင်းများ ရေစီးရေလာ ကောင်းမွန်စေရေးအတွက် အမှိုက်သရိုက်များဆယ်ယူခြင်း၊ ချုံနွယ်ပိတ်ပေါင်းများ ရှင်းလင်းခြင်း နှင့် အဆောက်အဦနှင့်ထိစပ်နေသည့် သစ်ကိုင်းများခုတ်ထွင်ရှင်းလင်းခြင်းများ ဆောင်ရွက်နေမှု အခြေအနေတို့အား မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးညီညီအောင်(မြို့နယ်အုပ်ချုပ်ရေးမှူး) သည် မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ဌာနဆိုင်ရာများမှ တာဝန်ရှိသူများနှင့်အတူ ကြည့်ရှု အားပေးခဲ့ကြောင်း သတင်းရရှိပါသည်။

အထွေထွေအုပ်ချုပ်ရေးဦးစီးဌာနရုံးအဆင့်ဆင့်မှ ယာယီတိုက်ပွဲရှောင်ဝန်ထမ်းများအား ထောက်ပံ့ငွေများ ပေးအပ်ခြင်း

၁၈-၁၁-၂၀၂၃

ရှမ်းပြည်နယ်(မြောက်ပိုင်း)၊ ပြည်နယ်ဒုတိယအထွေထွေအုပ်ချုပ်ရေးဦးစီးဌာန၊ အစည်းအဝေး ခန်းမ၌ (၁၈-၁၁-၂၀၂၃)ရက်၊ (၁၃၀၀)အချိန်တွင် အထွေထွေအုပ်ချုပ်ရေးဦးစီးဌာနရုံး အဆင့်ဆင့်မှ ယာယီတိုက်ပွဲရှောင်ဝန်ထမ်းများအား ထောက်ပံ့ငွေပေးအပ်ပွဲကျင်းပပြုလုပ်ခဲ့ရာ အခမ်းအနားသို့ ပြည်နယ်အုပ်ချုပ်ရေးမှူး ဦးစိုင်းသော်ဝင်း၊ ပြည်နယ်ဒုတိယအုပ်ချုပ်ရေးမှူး၊ ခရိုင်/ မြို့နယ်စီမံ အုပ်ချုပ်ရေးအဖွဲ့ဥက္ကဋ္ဌများ၊ အထွေထွေအုပ်ချုပ်ရေးဦးစီးဌာနရုံးအဆင့်ဆင့်မှ ယာယီတိုက်ပွဲရှောင် ဝန်ထမ်းများတက်ရောက်ခဲ့ကြပါသည်။ အဆိုပါထောက်ပံ့ပေးအပ်ပွဲတွင် ပြည်နယ်အုပ်ချုပ်ရေးမှူးက ယာယီတိုက်ပွဲရှောင်ဝန်ထမ်း(၅၁)ဦးတို့အား ခေါက်ဆွဲခြောက်၊ ကြက်ဥများနှင့် ထောက်ပံ့ငွေများ ပေးအပ်ခဲ့ပြီး အားပေးစကားပြောကြားခဲ့ကြောင်း သတင်းရရှိပါသည်။

လူငယ်စကားဝိုင်းအခမ်းအနားကျင်းပ

၁၇-၁၁-၂၀၂၃

ရှမ်းပြည်နယ်၊ နမ့်စန်ခရိုင်၊ ကွန်ဟိန်းမြို့၊ အမှတ် (၃)ရပ်ကွက်အတွင်းရှိ အခြေခံပညာ အထက်တန်းကျောင်း၌ (၁၇-၁၁-၂၀၂၃)ရက်၊ (၁၀၀၀)အချိန်တွင် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် အခြေခံပညာဦးစီးဌာနတို့မှ လူငယ်စကားဝိုင်းအခမ်းအနားကျင်းပပြုလုပ်ခဲ့ရာ အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဝင်းနိုင်(မြို့နယ်အုပ်ချုပ်ရေးမှူး)၊ ပြည်သူ့ ဆက်ဆံရေးဦးစီးဌာနမှ မြို့နယ်ဦးစီးမှူးနှင့် တာဝန်ရှိသူများ၊ အားကစားနှင့် ကာယပညာဦးစီး ဌာနမှ မြို့နယ်ဦးစီးမှူး၊ အ.ထ.က (ကွန်ဟိန်း)မှ ကျောင်းအုပ်ဆရာမကြီးနှင့် ဆရာ/ မများ၊ ကျောင်းသား/ သူများ စုစုပေါင်းအင်အား (၁၃၀)ဦးတက်ရောက်ခဲ့ကြောင်း သတင်းရရှိပါသည်။