ကရင်ပြည်နယ်၊ ဘားအံခရိုင်၊ ဘားအံမြို့နယ်၊ အမှတ်(၈)ရပ်ကွက်(ထောင်ဝိကွင်း)၌ ပိုက်ဆံလျှော်(သစ်စိမ်းမြေသြဇာ)ထယ်ထိုးမြေမြှုပ်ခြင်းနှင့် မိုးစပါးအထွက်နှုန်း တိုးတက်ရေးနည်းပညာပေးစံပြကွက်စိုက်ပျိုးခြင်းအခမ်းအနားသို့တက်ရောက်

၂၀၂၆ ခုနှစ်၊ ဩဂုတ်လ ၃ ရက်၊ နံနက် ၈ နာရီတွင် ကရင်ပြည်နယ်၊ ဘားအံခရိုင်၊ ဘားအံမြို့နယ်၊ အမှတ်(၈)ရပ်ကွက်(ထောင်ဝိကွင်း)၌ ပြည်နယ်စိုက်ပျိုးရေးဦးစီးဌာနမှ ကျင်းပပြုလုပ်သည့် ပိုက်ဆံလျှော် (သစ်စိမ်းမြေသြဇာ)ထယ်ထိုးမြေမြှုပ်ခြင်းနှင့် မိုးစပါးအထွက်နှုန်းတိုးတက်ရေးနည်းပညာပေးစံပြကွက် စိုက်ပျိုးခြင်းအခမ်းအနားသို့ ပြည်နယ်အစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး စိုးမိုးဝင်း ဦးဆောင်သောအဖွဲ့သည် ပြည်နယ်အစိုးရအဖွဲ့အတွင်းရေးမှူး ပြည်နယ်အုပ်ချုပ်ရေးမှူး ဦးမင်းရွှေ၊ သက်ဆိုင်ရာဌာနများမှတာဝန်ရှိသူများ၊ ဒေသခံတောင်သူများ စုစုပေါင်းအင်အား ၁၅၀ ဦးတို့နှင့်အတူ တက်ရောက်ခဲ့ကြောင်း သတင်းရရှိပါသည်။