ရှမ်းပြည်နယ်၊ လားရှိုးခရိုင်၊ လားရှိုးမြို့ ပြန်လည်ထူထောင်ရေး အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှခွင့်ပြုထားသည့် ဆိုလာတပ်ဆင်ထားရှိမှုအခြေအနေနှင့် အကျဥ်းထောင်အတွင်း ရေရရှိမှုအခြေအနေတို့အား သွားရောက်ကြည့်ရှုစစ်ဆေး

၂၀၂၆ ခုနှစ်၊ မတ်လ ၂၄ ရက်၊ နံနက် ၁၁ နာရီ ၃၀ မိနစ်တွင် ရှမ်းပြည်နယ်၊ လားရှိုးခရိုင်၊ လားရှိုးမြို့ ပြန်လည်ထူထောင်ရေး အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှခွင့်ပြု ထားသည့် အကျဥ်းဦးစီးဌာန၊ လားရှိုးအကျဥ်းထောင်၌ မလိုလားအပ်သော လုံခြုံရေးကျိုးပေါက်မှုများ မဖြစ်ပေါ်စေရေးနှင့် အုပ်ချုပ်မှုဆိုင်ရာလုပ်ငန်းများ ပုံမှန်အတိုင်းလည်ပတ်နိုင်စေရန် ဆိုလာမီး 50 KW တပ်ဆင်နိုင်ရေးလုပ်ငန်းအတွက် ဆက်စပ်ပစ္စည်းများရောက်ရှိမှုအခြေအနေနှင့် ဆိုလာတပ်ဆင်ထားရှိမှု အခြေအနေ၊ အကျဥ်းထောင်အတွင်း ရေရရှိမှုအခြေအနေတို့အား ပြည်နယ်အစိုးရအုပ်ချုပ်ရေးအဖွဲ့ခွဲ (ရှမ်းမြောက်)ဥက္ကဋ္ဌ ညွှန်ကြားရေးမှူး ဦးမြင့်သန်းဝင်းမှ သွားရောက်ကြည့်ရှုစစ်ဆေးခဲ့ပြီး လိုအပ်သည်များ လမ်းညွှန်မှာကြားခဲ့ကြောင်း သတင်းရရှိပါသည်။