မန္တလေးတိုင်းဒေသကြီး၊ ရမည်းသင်းခရိုင်၊ ရမည်းသင်းမြို့၊ ဝါတိုးရပ်ကွက်၊ မြို့မစျေးအနီးရှိ ရွှေဆိုင်များတွင် အဖိုးတန်သတ္တုရွှေရောင်းဝယ်မှုနှင့်ပတ်သက်၍ သတ်မှတ်စံချိန်စံညွှန်းနှင့်ကိုက်ညီမှုရှိ/မရှိ ကြည့်ရှု စစ်ဆေး

၂၀၂၆ ခုနှစ်၊ မေလ ၂၇ ရက်၊ နံနက် ၉ နာရီ ၄၅ မိနစ်တွင် မန္တလေးတိုင်းဒေသကြီး၊ ရမည်းသင်းခရိုင်၊ ရမည်းသင်းမြို့၊ ဝါတိုးရပ်ကွက်၊ မြို့မစျေးအနီးရှိ ရွှေဆိုင်များတွင် အဖိုးတန်သတ္တုရွှေရောင်းဝယ်မှုနှင့် ပတ်သက်၍ သတ်မှတ်စံချိန်စံညွှန်းနှင့်ကိုက်ညီမှုရှိ/ မရှိအခြေအနေအား ခရိုင်စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌ ခရိုင်အုပ်ချုပ်ရေးမှူး ဦးစိန်မြင့်၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌနှင့် အဖွဲ့ဝင်များ၊ ခရိုင်အဖိုးတန်သတ္တုရောင်းဝယ်သူများဆိုင်ရာကြီးကြပ်ရေးအဖွဲ့၊ အမှတ်(၂)သတ္တုတွင်း လုပ်ငန်းတာဝန်ခံ ဦးအောင်သန်းဝင်း၊ မြို့နယ်အဖိုးတန်သတ္တုရွှေရောင်းဝယ်သူများဆိုင်ရာမှတ်ပုံတင်ရေးအဖွဲ့ အဖွဲ့ဝင်များနှင့်အတူ ကြည့်ရှုစစ်ဆေးခဲ့ကြောင်း သတင်းရရှိပါသည်။