ရှမ်းပြည်နယ်၊ လားရှိုးခရိုင်၊ လားရှိုးမြို့တွင် အကြမ်းဖက်ဖြစ်စဉ်များကြောင့် ထိခိုက်ပျက်စီးခဲ့သည့် စာတိုက်ရုံးတွင် ရုံးလုပ်ငန်းများ ပုံမှန်အတိုင်းလည်ပတ်နိုင်ရေးအတွက် ရေ/ မီးရရှိရေးပြင်ဆင်ထားရှိမှု အခြေအနေများအား ကွင်းဆင်းစစ်ဆေး

၃၀-၉-၂၀၂၅

၂၀၂၅ ခုနှစ်၊ စက်တင်ဘာလ ၂၉ ရက် နံနက် ၁၀ နာရီ ၄၅ မိနစ်တွင် ရှမ်းပြည်နယ်၊ လားရှိုးခရိုင်၊ လားရှိုးမြို့တွင် အကြမ်းဖက်ဖြစ်စဉ်များကြောင့် ထိခိုက်ပျက်စီးခဲ့သည့် စာတိုက်လုပ်ငန်းရုံးနှင့် ဝန်ထမ်း အိမ်ရာများအား လိုက်လံကြည့်ရှုစစ်ဆေးခဲ့ကာ ရုံးလုပ်ငန်းများ ပုံမှန်အတိုင်းလည်ပတ်နိုင်ရေးအတွက် ရေ/ မီးရရှိရေးပြင်ဆင်ထားရှိမှုအခြေအနေများအား ပြည်နယ်အစိုးရအုပ်ချုပ်ရေးအဖွဲ့ခွဲ(ရှမ်းမြောက်) ဥက္ကဋ္ဌ ညွှန်ကြားရေးမှူး ဦးမြင့်သန်းဝင်း ဦးဆောင်၍ သက်ဆိုင်ရာဌာနတာဝန်ရှိသူများနှင့်အတူ ကွင်းဆင်းကြည့်ရှုခဲ့ပြီး လိုအပ်သည်များ ပူးပေါင်းဆောင်ရွက်ပေးခဲ့ကြောင်း သတင်းရရှိပါသည်။

ရန်ကုန်တိုင်းဒေသကြီး၊ အင်းစိန်ခရိုင်၊ လှိုင်သာယာ(အရှေ့ပိုင်း)မြို့နယ်၊ အမှတ်(၆)ရပ်ကွက်၊ သာသနာ့ ဗိမ္မာန်ဘုန်းတော်ကြီးကျောင်း၌ ပါတီစုံဒီမိုကရေစီအထွေထွေရွေးကောက်ပွဲ အောင်မြင်စွာကျင်းပနိုင်ရေး အတွက် လုပ်ငန်းညှိနှိုင်းအစည်းအဝေး ကျင်းပပြုလုပ်

၃၀-၉-၂၀၂၅

၂၀၂၅ ခုနှစ်၊ စက်တင်ဘာလ ၂၈ ရက် နေ့လယ် ၂ နာရီတွင် ရန်ကုန်တိုင်းဒေသကြီး၊ အင်းစိန်ခရိုင်၊ လှိုင်သာယာ(အရှေ့ပိုင်း)မြို့နယ်၊ အမှတ်(၆)ရပ်ကွက်၊ သာသနာ့ဗိမ္မာန်ဘုန်းတော်ကြီးကျောင်း၌ ပါတီစုံ ဒီမိုကရေစီအထွေထွေရွေးကောက်ပွဲအောင်မြင်စွာကျင်းပနိုင်ရေးအတွက် လုပ်ငန်းညှိနှိုင်းအစည်းအဝေးသို့ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ မြို့နယ်အုပ်ချုပ်ရေးမှူး ဦးအောင်ဘော်၊ မြို့နယ် ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများ၊ ရပ်ကွက်/ ကျေးရွာအုပ်စုအုပ်ချုပ်ရေးမှူးများနှင့်အတူ တက်ရောက်ဆွေးနွေးခဲ့ပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိ ပါသည်။

ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ ရန်ကင်းမြို့နယ်၊ အမှတ်(၂)ရပ်ကွက်၊ ရန်ကင်းစင်တာ မြေညီထပ်ရှိ City Mart Supermarket ၌ တရားမဝင်ကုန်စည်များရောင်းချမှုရှိ/မရှိ ရှောင်တခင် သွားရောက်စစ်ဆေး

၃၀-၉-၂၀၂၅

၂၀၂၅ ခုနှစ်၊ စက်တင်ဘာလ ၂၈ ရက် နံနက် ၁၀ နာရီတွင် ရန်ကုန်တိုင်းဒေသကြီး၊ သင်္ဃန်းကျွန်း ခရိုင်၊ ရန်ကင်းမြို့နယ်၊ အမှတ်(၂)ရပ်ကွက်၊ စက်မှု(၁)လမ်းနှင့် ဆရာစံလမ်းထောင့်၊ ရန်ကင်းစင်တာ မြေညီထပ်ရှိ City Mart Supermarket အား မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ မြို့နယ်အုပ်ချုပ်ရေးမှူး ဦးမင်းမင်းလတ်နှင့် အဖွဲ့ဝင်များ၊ မြို့နယ်ရဲတပ်ဖွဲ့၊ မြို့နယ်စည်ပင်သာယာရေး ဌာန၊ မြို့နယ်မီးသတ်ဦးစီးဌာန၊ မြို့နယ်ပြည်တွင်းအခွန်များဦးစီးဌာန၊ မြို့နယ်စားသုံးသူရေးရာဦးစီးဌာနမှ တာဝန်ရှိသူများနှင့် ရပ်ကွက်အုပ်ချုပ်ရေးမှူးတို့ပါဝင်သော ပူးပေါင်းအဖွဲ့ဖြင့် တရားမဝင်ကုန်စည်များ ရောင်းချမှုရှိ/မရှိအား ရှောင်တခင်သွားရောက်စစ်ဆေးခဲ့ကြောင်း သတင်းရရှိပါသည်။

ရှမ်းပြည်နယ်၊ ကျိုင်းတုံခရိုင်၊ မိုင်းပျဥ်းမြို့နယ်အထွေထွေအုပ်ချုပ်ရေးဦးစီးဌာနရုံး၌ မဲစာရင်းများ မှန်ကန်စေရေးနှင့် သတ်မှတ်ရက်အတွင်း မဲစာရင်းများကြေညာနိုင်ရေး ဆောင်ရွက်ထားရှိမှုအခြေအနေ နှင့်ပတ်သက်၍ အစည်းအဝေးကျင်းပပြုလုပ်

၃၀-၉-၂၀၂၅

၂၀၂၅ ခုနှစ်၊ စက်တင်ဘာလ ၂၈ ရက် နံနက် ၉ နာရီ ၃၀ မိနစ်တွင် ရှမ်းပြည်နယ်၊ ကျိုင်းတုံခရိုင်၊ မိုင်းပျဥ်းမြို့နယ်အထွေထွေအုပ်ချုပ်ရေးဦးစီးဌာနရုံး၌ ပါတီစုံဒီမိုကရေစီအထွေထွေရွေးကောက်ပွဲ အောင်မြင်စွာ ကျင်းပနိုင်ရေးအတွက် မဲစာရင်းများမှန်ကန်စေရေးနှင့် သတ်မှတ်ရက်အတွင်း မဲဆန္ဒရှင်စာရင်းများ ကြေညာနိုင်ရေး ဆောင်ရွက်ထားရှိမှုအခြေအနေနှင့်ပတ်သက်၍ ကျင်းပပြုလုပ်သည့် အစည်းအဝေးသို့ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ခေတ္တမြို့နယ်အုပ်ချုပ်ရေးမှူး ဦးအောင်ဝင်း (လက်ထောက်ညွှန်ကြားရေးမှူး)၊ မြို့နယ်ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများ၊ ရပ်ကွက်/ ကျေးရွာအုပ်စုအုပ်ချုပ်ရေးမှူးများနှင့်အတူ တက်ရောက်ဆွေးနွေးခဲ့ကြောင်း သတင်းရရှိပါသည်။

ပြည်နှင်လွှဲပြောင်းမည့် နိုင်ငံခြားသားများ၏ ကိုယ်ရေးအချက်အလက်များနှင့် မှတ်တမ်းများ စာရင်းကောက်ယူခြင်းလုပ်ငန်း ဌာနဆိုင်ရာပူးပေါင်းအဖွဲ့အား ကြီးကြပ်ဆောင်ရွက်

၂၅-၉-၂၀၂၅

ကရင်ပြည်နယ်၊ မြဝတီခရိုင်၊ မြဝတီမြို့နယ်၌ စက်တင်ဘာလ ၂၅ ရက်တွင် မြဝတီခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ ခရိုင်အုပ်ချုပ်ရေးမှူး ဦးကောင်းစံလင်းသည် ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံ ဖြတ်သန်း၍ မြန်မာနိုင်ငံအတွင်းသို့ နယ်စပ်လမ်းကြောင်းများမှ တရားမဝင် ဝင်ရောက် လာပြီး ကရင်ပြည်နယ် မြဝတီမြို့- ရွှေကုက္ကိုလ်၊ မယ်ထော်သလေး(KK Park)နှင့် ကျောက်ခတ်နယ်မြေများတွင် Online လောင်းကစားမှုများ၊ Online လိမ်လည်မှုများ ကျူးလွန်ခဲ့ကြသည့် နီပေါနိုင်ငံသား (၇)ဦး၊ အင်ဒိုနီးရှားနိုင်ငံသား (၅)ဦး၊ တရုတ်နိုင်ငံသား (၄)ဦးနှင့် ရုရှားနိုင်ငံသား(၁)ဦး၊ စုစုပေါင်းပြည်ပနိုင်ငံသား(၁၇)ဦးတို့ကို ထပ်မံစစ်ဆေး ဖော်ထုတ်ထိန်းသိမ်းခဲ့သည်။ အဆိုပါ နိုင်ငံခြားသားများအား သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်း နှင့်အညီ အမြန်ဆုံး ပြန်လည် လွှဲပြောင်းပေးအပ်နိုင်ရေးအတွက် မြဝတီခရိုင်စီမံ ခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ခရိုင်အုပ်ချုပ်ရေးမှူး ဦးကောင်းစံလင်း၏ ကြီးကြပ်မှုဖြင့် ဌာနဆိုင်ရာပူးပေါင်းအဖွဲ့များ လိုအပ်သည့် ကိုယ်ရေးအချက်အလက် များနှင့် မှတ်တမ်းများကို စနစ်တကျ စာရင်းကောက်ယူခြင်းလုပ်ငန်းအား နေ့ချင်းပြီး ဆောင်ရွက်ခဲ့သည်။ ၂၀၂၅ ခုနှစ်၊ ဇန်နဝါရီလ ၃၀ ရက်မှ စက်တင်ဘာလ ၂၅ ရက်အထိ မြန်မာနိုင်ငံ အတွင်းသို့ တရားမဝင် ဝင်ရောက်လာသည့် နိုင်ငံခြားသား စုစုပေါင်း ၉၄၂၁ ဦးကို စစ်ဆေးဖော်ထုတ်ထိန်းသိမ်းနိုင်ခဲ့ကာ ၎င်းတို့အနက်မှ ၉၃၁၃ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျ လွှဲပြောင်း ပေးခဲ့ပြီး ကျန်ရှိသည့် နိုင်ငံခြားသား ၁၀၈ ဦးကို သက်ဆိုင်ရာနိုင်ငံအသီးသီးသို့ လွှဲပြောင်း ပေးရန် အသင့်ဖြစ်နေပြီဖြစ်ကြောင်း သတင်းရရှိသည်။

မွန်ပြည်နယ်၊ မော်လမြိုင်ခရိုင်၊ မော်လမြိုင်မြို့၊ ပန်းဘဲတန်းရပ်ကွက်၊ ပြည်သူ့ဆေးရုံကြီး၌ ပြည်နယ် အစိုးရအဖွဲ့၏ ဦးဆောင်မှုဖြင့် အငြိမ်းစားနိုင်ငံ့ဝန်ထမ်းများအား ကျန်းမာရေးစောင့်ရှောက်မှုပေးခြင်းနှင့် ထောက်ပံ့မှုပေးခြင်းအခမ်းအနားသို့ တက်ရောက်

၂၆-၉-၂၀၂၅

၂၀၂၅ ခုနှစ်၊ စက်တင်ဘာလ ၂၄ ရက်၊ နံနက် ၈ နာရီတွင် မွန်ပြည်နယ်၊ မော်လမြိုင်ခရိုင်၊ မော်လမြိုင်မြို့၊ ပန်းဘဲတန်းရပ်ကွက်၊ ပြည်သူ့ဆေးရုံကြီး၌ ပြည်နယ်အစိုးရအဖွဲ့၏ ဦးဆောင်မှုဖြင့် အငြိမ်းစားနိုင်ငံ့ဝန်ထမ်းများအား ကျန်းမာရေးစောင့်ရှောက်မှုပေးခြင်းနှင့် ထောက်ပံ့မှုပေးခြင်းအခမ်းအနားသို့ ပြည်နယ်အစိုးရအဖွဲ့ဝန်ကြီးချုပ် ဦးအောင်ကြည်သိန်းနှင့် အစိုးရအဖွဲ့ဝင်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး ပြည်နယ်အုပ်ချုပ်ရေးမှူး ဦးဉာဏ်လင်းထွေး၊ ခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌနှင့် အဖွဲ့ဝင်များ၊ အထူးကုဆရာဝန်ကြီးများ၊ အငြိမ်းစားနိုင်ငံ့ဝန်ထမ်းများနှင့်အတူ တက်ရောက်ခဲ့ကြောင်း သတင်းရရှိပါသည်။

ထုတ်ပြန်ကြေညာချက်များ

မြို့နယ်အုပ်ချုပ်ရေးဆိုင်ရာ ညွှန်ကြားချက်ထုတ်ပြန်ခြင်း

၂၀၂၅ ခုနှစ် ဇူလိုင်လ ၃၀ ရက်

နိုင်ငံတော်စီမံအုပ်ချုပ်ရေးကောင်စီသည် ပြည်သူ့ကောင်စီအဆင့်ဆင့်နှင့် အလုပ်အမှုဆောင်အဖွဲ့အဆင့်ဆင့်တို့၏ တာဝန်နှင့်လုပ်ပိုင်ခွင့်ဥပဒေပုဒ်မ ၁၃၆ ပါ လုပ်ပိုင်ခွင့်ကို ကျင့်သုံး၍ မြို့နယ်အုပ်ချုပ်ရေးဆိုင်ရာ ညွှန်ကြားချက်အား ထုတ်ပြန်လိုက်သည်။

အသေးစိတ်အချက်အလက်များဖတ်ရှုရန်...

ထုတ်ပြန်ကြေညာချက်များ

ခရိုင်အုပ်ချုပ်ရေးဆိုင်ရာညွှန်ကြားချက် ထုတ်ပြန်ခြင်း

၂၀၂၅ ခုနှစ် ဇူလိုင်လ ၃၀ ရက်

နိုင်ငံတော်စီမံအုပ်ချုပ်ရေးကောင်စီသည် ပြည်သူ့ကောင်စီအဆင့်ဆင့်နှင့် အလုပ်အမှုဆောင်အဖွဲ့အဆင့်ဆင့်တို့၏ တာဝန်နှင့်လုပ်ပိုင်ခွင့်ဥပဒေပုဒ်မ ၁၃၆ ပါ လုပ်ပိုင်ခွင့်ကို ကျင့်သုံး၍ ခရိုင်အုပ်ချုပ်ရေးဆိုင်ရာ ညွှန်ကြားချက်အား ထုတ်ပြန်လိုက်သည်။

အသေးစိတ်အချက်အလက်များဖတ်ရှုရန်...

ထုတ်ပြန်ကြေညာချက်များ

လားရှိုးမြို့နေပြည်သူများအတွက် ဝန်ဆောင်မှုလုပ်ငန်းများနှင့် ပြည်သူ့အကျိုးပြုလုပ်ငန်းများ ဆောင်ရွက်ပေးလျက်ရှိ

၁၇-၇-၂၀၂၅

ယခုအခါ လားရှိုးမြို့သို့ ပြည်သူများ ပြန်လည်ရောက်ရှိနေထိုင်လျက်ရှိရာ ရပ်ကွက်နေပြည်သူများအား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် သက်ဆိုင်သည့် မှတ်ပုံတင်၊ မွေးစာရင်း၊ သေစာရင်း၊ အိမ်ထောင်စုခွဲထွက်ခြင်း၊ ပြောင်းဝင်၊ ပြောင်းထွက်များအတွက် ထောက်ခံချက်များ၊ ရပ်ကွက်အတွင်း နေထိုင်ကြောင်း၊ ခရီးသွားလာထောက်ခံချက်များ၊ အကျင့်စာရိတ္တကောင်းမွန်ကြောင်း ထောက်ခံချက်များနှင့် ကျောင်းအပ်နှံရေးအတွက် လိုအပ်သော ထောက်ခံချက်များအား ကြန့်ကြာမှုမရှိစေဘဲ အလျင်အမြန် ဆောင်ရွက်ပေးလျက်ရှိပါသည်။ လားရှိုးမြို့ ပြန်လည်ထူထောင်ရေးကာလတွင် ဌာနဆိုင်ရာ ဝန်ထမ်းများ၊ အုပ်ချုပ်ရေးအဖွဲ့အစည်းများ၊ တပ်ရင်း/တပ်ဖွဲ့များအနေဖြင့် မူလအခြေအနေရောက်ရှိအောင် ရပ်ကွက်အတွင်းရှိ အခြေခံပညာ ကျောင်းများဖွင့်လှစ်နိုင်ရေး သန့်ရှင်းရေးဆောင်ရွက်ခြင်း၊ အများနှင့်သက်ဆိုင်သော နေရာများ ရှင်းလင်းဆောင်ရွက်ခြင်း၊ ရပ်ကွက်အတွင်း ရေနှင့် မီးရရှိရေးကိစ္စရပ်များ၊ ကျန်းမာရေးကိစ္စရပ်များ၊ ဘာသာ/သာသနာ ကိစ္စရပ်များ စသည့် ပြည်သူ့ဝန်ဆောင်မှုကိစ္စရပ်အား ကဏ္ဍအလိုက် လုပ်ငန်းများ အရှိန်အဟုန်ဖြင့် ကြိုးပမ်းအကောင်အထည် ဖော်ဆောင်ရွက်နေမှုအပေါ် ပြည်သူများမှလည်း အားကြိုးမာန်တက် ပူးပေါင်းပါဝင် ဆောင်ရွက်လျက်ရှိရာ တစ်ဖက်အဖွဲ့ အစည်းများမှ စောင့်ကြည့်၍ မလိုလားမှုဖြင့် လုပ်ငန်းများ နှောင့်နှေးကြန့်ကြာအောင် တိကျခိုင်မာမှုမရှိသည့် သတင်း အချက်အလက်များအား Socila Media တွင် အစိုးရအပေါ် ပြည်သူများ အထင်အမြင်လွဲမှားမှုဖြစ်အောင် ရေးသား ဖော်ပြလျက်ရှိသဖြင့် ပြည်သူအများ စဉ်းစားချင့်ချိန်ယုံကြည်နိုင်စေရန် အသိပေးအပ်ပါသည်။

အသေးစိတ်အချက်အလက်များဖတ်ရှုရန်...

အထွေထွေ

အိတ်ဖွင့်တင်ဒါခေါ်ယူခြင်း

၁၅-၅-၂၀၂၅

၂၀၂၅-၂၀၂၆ ခု၊ ဘဏ္ဍာရေးနှစ်တွင် ပဲခူးတိုင်းဒေသကြီးအတွင်း ဖော်ပြပါအကြီးစားပြင်ဆင်ခြင်းလုပ်ငန်းအား ဆောက်လုပ်ရန်ရှိပါ သဖြင့် မြန်မာနိုင်ငံသားလုပ်ငန်းရှင်များထံမှ အိတ်ဖွင့်တင်ဒါ တင်သွင်းရန် ဖိတ်ခေါ်အပ်ပါသည်။

အသေးစိတ်အချက်အလက်များဖတ်ရှုရန်...

အထွေထွေ

1267 နှင့်ပတ်သက်၍ Update လွှင့်တင်ထားသည့် Sanction Listအား သိရှိလိုက်နာ ဆောင်ရွက်နိုင်ပါရန် ထုတ်ပြန်ကြေညာခြင်း

၁၈-၃-၂၀၂၅

ကုလသမဂ္ဂလုံခြုံရေးကောင်စီ၏ ဆုံးဖြတ်ချက်အမှတ် 1267 (https://www.un.org/security concil/sanctoins/1267/press-release)တွင်လည်းကောင်း၊ လူအများအပြားသေကျေစေသည့် လက်နက် များပြန့်ပွားရေးနှင့်ပတ်သက်၍ ဆုံးဖြတ်ချက်အမှတ် 1718 ကော်မတီမှ ထုတ်ပြန်ထားသည့် ဆုံးဖြတ်ချက်များအား (https://www.un.org/securityconcil/sanctoins/1718/press-release)တွင် လည်းကောင်း ထုတ်ပြန်ပေးလျက်ရှိပါသည်။ ကုလသမဂ္ဂလုံခြုံရေးကောင်စီ၏ ဆုံးဖြတ်ချက်အမှတ် 1267 နှင့်ပတ်သက်၍ ၁၂-၃-၂၀၂၅ ရက်နေ့တွင် ကြေညာချက်အမှတ် SC/16017 ဖြင့် ထုတ်ပြန်ကြေညာထားသည့် Sanction List စာရင်းအား သိရှိလိုက်နာဆောင်ရွက်နိုင်ရေးအတွက် ဖော်ပြပါ 1267နှင့်ပတ်သက်သည့် website Link (https://press.un.org/en/2025/sc16017.doc.htm) တွင် ဝင်ရောက်ကြည့်ရှုသွားရန် ဖြစ်ပါကြောင်း အသိပေးဖော်ပြအပ်ပါသည်။

အသေးစိတ်အချက်အလက်များဖတ်ရှုရန်...

ထုတ်ပြန်ကြေညာချက်များ

1267 Sanction Listစာရင်းမှ ပယ်ဖျက်ထားသည့် လူပုဂ္ဂိုလ်များ၏စာရင်းများအား သိရှိနိုင်ပါရန် ထုတ်ပြန်ကြေညာခြင်း

၂၂-၂-၂၀၂၅

ကုလသမဂ္ဂလုံခြုံရေးကောင်စီ၏ ဆုံးဖြတ်ချက်အမှတ် 1267 (https://www.un.org/security concil/sanctoins/1267/press-release)တွင်လည်းကောင်း၊ လူအများအပြားသေကျေစေသည့် လက်နက် များ ပြန့်ပွားရေးနှင့်ပတ်သက်၍ ဆုံးဖြတ်ချက်အမှတ် 1718 ကော်မတီမှ ထုတ်ပြန်ထားသည့် ဆုံးဖြတ် ချက်များအား (https://www.un.org/securityconcil/sanctoins/1718/press-release)တွင် လည်းကောင်း ထုတ်ပြန်ပေးလျက်ရှိပါသည်။ ကုလသမဂ္ဂလုံခြုံရေးကောင်စီ၏ ဆုံးဖြတ်ချက်အမှတ် 1267 နှင့်ပတ်သက်၍ ၂၁-၂-၂၀၂၅ ရက်နေ့ထုတ်ပြန်ကြေညာချက်တွင် Sanction List စာရင်းမှပယ်ဖျက်ထားသော လူပုဂ္ဂိုလ်များ၏ စာရင်းများကို ဖော်ပြထားရှိခဲ့ပါသဖြင့် အဆိုပါစာရင်းများအား သိရှိနိုင်ရေးအတွက် အထက်ဖော်ပြပါ 1267နှင့်ပတ်သက်သည့် website Linkတွင် ဝင်ရောက်ကြည့်ရှုသွားရန်ဖြစ်ပါကြောင်း အသိပေးဖော်ပြ အပ်ပါသည်။

အသေးစိတ်အချက်အလက်များဖတ်ရှုရန်...