စက်သုံးဆီဆိုင်များ သတ်မှတ်ဈေးနှုန်းဖြင့် ရောင်းချမှု ရှိ/ မရှိနှင့် မီးဘေးလုံခြုံရေး ဆောင်ရွက် ထားရှိမှုအခြေအနေများအား ကွင်းဆင်းစစ်ဆေး

၁၉-၁၁-၂၀၂၄

ရှမ်းပြည်နယ်၊ မိုင်းတုံခရိုင်၊ မိုင်းတုံမြို့နယ်၊ နောင်ပါရင်ရပ်ကွက်ရှိ စိန်မိုင်းတုံ စက်သုံးဆီဆိုင်၌ (၁၉-၁၁-၂၀၂၄)ရက်၊ (၁၀၁၅)အချိန်တွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးလွင်မိုး(မြို့နယ်အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ သက်ဆိုင်ရာ ဌာနများမှ တာဝန်ရှိသူများ၊ မြို့နယ်မီးသတ်တပ်ဖွဲ့ဝင်များနှင့်အတူ မြို့နယ်အတွင်းရှိ စက်သုံး ဆီဆိုင်များ သတ်မှတ်ဈေးနှုန်းဖြင့် ရောင်းချမှု ရှိ/ မရှိနှင့် မီးဘေးလုံခြုံရေး ဆောင်ရွက် ထားရှိမှုအခြေအနေများအား ကွင်းဆင်းစစ်ဆေးခဲ့ပြီး လိုအပ်သည်များ ညှိနှိုင်းဆောင်ရွက် ခဲ့ကြောင်း သတင်းရရှိပါသည်။

ဒေသခံပြည်သူများနှင့်တွေ့ဆုံဆွေးနွေးပွဲကျင်းပ

၁၉-၁၁-၂၀၂၄

ရှမ်းပြည်နယ်(တောင်ပိုင်း)၊ နမ့်စန်ခရိုင်၊ မိုးနဲမြို့နယ်၊ လွယ်ပြေရပ်ကွက်ရှိ ဝိဇ္ဇာရိယ် ဘုန်းတော်ကြီး ကျောင်းဓမ္မာရုံ၌ (၁၉-၁၁-၂၀၂၄)ရက်၊ (၁၀၃၀)အချိန်တွင် ရပ်ရွာအေးချမ်းသာယာရေး၊ တရားဥပဒေစိုးမိုးရေးနှင့် ဒေသဖွံ့ဖြိုးရေး၊ လိုအပ်ချက်များ ဖြည့်ဆည်းပေးနိုင်ရေးတို့အတွက် စစ်ကြောင်းကြီး (၅)ကြောင်းဖြင့် ဒေသခံပြည်သူများနှင့် တွေ့ဆုံဆွေးနွေးပွဲပြုလုပ်ခဲ့ရာ ဆွေးနွေးပွဲ သို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဝင်းမြင့်(မြို့နယ်အုပ်ချုပ်ရေးမှူး)၊ မြို့နယ်စီမံ အုပ်ချုပ်ရေးအဖွဲ့ အဖွဲ့ဝင်များ၊ ဌာနဆိုင်ရာများမှ တာဝန်ရှိသူများနှင့် ဒေသခံပြည်သူများ စုစုပေါင်းအင်အား (၂၀၀)ဦးတို့ တက်ရောက်ခဲ့ကြပါသည်။ အဆိုပါဆွေးနွေးပွဲတွင် မြို့နယ် အုပ်ချုပ်ရေးမှူးသည် ဒေသခံပြည်သူများနှင့်တွေ့ဆုံခဲ့ပြီး ဌာနဆိုင်ရာတာဝန်ရှိသူများမှ ကဏ္ဍ အလိုက် ရှင်းလင်းဆွေးနွေးခြင်း၊ ပြည်သူများ၏ မေးမြန်းတင်ပြချက်များအပေါ် မြို့နယ် အုပ်ချုပ်ရေးမှူးနှင့် အဖွဲ့ဝင်များက ရှင်းလင်းဆွေးနွေးပေးခြင်းတို့ ဆောင်ရွက်ခဲ့ကြောင်း သတင်းရရှိပါသည်။

လုပ်ငန်းညှိနှိုင်းအစည်းအဝေးကျင်းပ

၁၄-၁၁-၂၀၂၄

ရှမ်းပြည်နယ်၊ မိုင်းဆတ်ခရိုင်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ (၁၄-၁၁-၂၀၂၄)ရက်၊ (၁၁၀၀)အချိန်တွင် လုပ်ငန်းညှိနှိုင်းအစည်းအဝေးကျင်းပပြုလုပ်ခဲ့ရာ အစည်းအဝေးသို့ ခရိုင်နိုင်ငံ့စီးပွားမြှင့်တင်ရေးစီမံကိန်းကြီးကြပ်မူကော်မတီဥက္ကဋ္ဌ ဦးညီညီထွေး (ခရိုင်အုပ်ချုပ်ရေးမှူး)၊ ခရိုင်နိုင်ငံ့စီးပွားမြှင့်တင်ရေးစီမံကိန်းကြီးကြပ်မူကော်မတီအဖွဲ့ဝင်များ၊ စိုက်ပျိုးရေးလုပ်ငန်းရှင်များ တက်ရောက်ခဲ့ကြပါသည်။ အဆိုပါအစည်းအဝေးတွင် နိုင်ငံ့စီးပွား မြှင့်တင်ရေးချေးငွေအဆိုပြုလွှာများအား စိစစ်အတည်ပြုထောက်ခံတင်ပြနိုင်ရေးနှင့်ပတ်သက်၍ ဆွေးနွေးခဲ့ကြောင်း သတင်းရရှိပါသည်။

ကထိန်သင်္ကန်းဆက်ကပ်လှူဒါန်းခြင်းအခမ်းအနားကျင်းပ

၁၄-၁၁-၂၀၂၄

ရှမ်းပြည်နယ်၊ မိုင်းဆတ်ခရိုင်၊ မိုင်းဆတ်မြို့၊ ဝိန်းနေရပ်ကွက်၊ ကံ့ကော်မြိုင်ကျောင်းတိုက်၌ (၁၄-၁၁-၂၀၂၄)ရက်၊ (၀၉၃၀)အချိန်တွင် ကထိန်သင်္ကန်းဆက်ကပ်လှူဒါန်းခြင်းအခမ်းအနား ကျင်းပပြုလုပ်ခဲ့ရာ အခမ်းအနားသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးညီညီထွေး(ခရိုင် အုပ်ချုပ်ရေးမှူး)၊ ခရိုင်စီမံအုပ်ချုပ်ရေးအဖွဲ့ အဖွဲ့ဝင်များ၊ ဌာနဆိုင်ရာ အကြီးအကဲများ၊ ခရိုင်အမျိုးသမီးရေးရာအဖွဲ့ဥက္ကဋ္ဌနှင်အဖွဲ့ဝင်များ၊ ခရိုင်မိခင်နှင့်ကလေးစောင့်ရှောက်ရေး အသင်းဥက္ကဋ္ဌနှင့် အဖွဲ့ဝင်များ တက်ရောက်ခဲ့ပါသည်။ အဆိုပါအခမ်းအနားတွင် ဆရာတော်၊ သံဃာတော်များထံမှ ငါးပါသီလခံယူခြင်း၊ ကထိန်သင်္ကန်းဆက်ကပ်လှူဒါန်းခြင်း၊ လှူဖွယ်ဝတ္တုများ ဆက်ကပ်လှူဒါန်းခြင်းနှင့် နေ့ဆွမ်းဆက်ကပ်လှူဒါန်းခြင်းများ ပြုလုပ်ခဲ့ကြောင်း သတင်း ရရှိပါသည်။

အိမ်အကြောင်းအရာနှင့် သန်းခေါင်စာရင်းကောက်ယူနေမှုအခြေအနေအား ကွင်းဆင်းစစ်ဆေး

၁၂-၁၁-၂၀၂၄

ရှမ်းပြည်နယ်၊ လွိုင်လင်ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကြည်မြင့်(ခရိုင်အုပ်ချုပ်ရေး မှူး)သည် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ ခရိုင်/ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ခရိုင်အဆင့်အိမ်အကြောင်းအရာနှင့် သန်းခေါင်စာရင်းကောက်ယူရေး ကော်မတီဝင်များ၊ သက်ဆိုင်ရာဌာနများမှ တာဝန်ရှိသူများနှင့်အတူ (၁၂-၁၁-၂၀၂၄)ရက်၊ (၁၀၀၀)အချိန်တွင် မိုင်းကိုင်မြို့နယ်၊ ဆင်ခြေဖုံးမြောက်ကျေးရွာအုပ်စု၊ လွယ်လိုင်ကျေးရွာ၌ အိမ်အကြောင်းအရာနှင့် သန်းခေါင်စာရင်းကောက်ယူနေမှုအခြေအနေအား ကွင်းဆင်းစစ်ဆေးခဲ့ပြီး လိုအပ်သည်များ ညှိနှိုင်းဆောင်ရွက်ခဲ့ကြောင်း သတင်းရရှိပါသည်။

ကျောက်ချောလမ်းခင်းခြင်းလုပ်ငန်း ဆောင်ရွက်နေမှုအခြေအနေအား ကွင်းဆင်းစစ်ဆေး

၁၂-၁၁-၂၀၂၄

ရှမ်းပြည်နယ်၊ နမ့်စန်ခရိုင်၊ မိုးနဲမြို့နယ်တည်ဆောက်ရေးလုပ်ငန်းစိစစ်ရေးကော်မတီ ဥက္ကဋ္ဌ ဦးဝင်းမြင့် (မြို့နယ်အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ တည်ဆောက်ရေးလုပ်ငန်းစိစစ်ရေးကော်မတီအဖွဲ့ဝင်များ၊ မြို့နယ်အဆင့် ဌာနဆိုင်ရာများမှ တာဝန်ရှိသူများနှင့်အတူ (၁၂-၁၁-၂၀၂၄)ရက်၊ (၀၉၀၀)အချိန်တွင် ၂၀၂၄-၂၀၂၅ ဘဏ္ဍာနှစ်၊ ပြည်နယ်ဘဏ္ဍာရန်ပုံငွေကျပ်(၂၃၄.၂၃၄)သန်းဖြင့် NEW M2M ကုမ္ပဏီနှင့် သီရိစေတနာ ကုမ္ပဏီတို့မှ တာဝန်ယူဆောင်ရွက်လျက်ရှိသည့် ပန်အူ-စက်တော်ကျောင်းသွားလမ်း ကျောက်ချော လမ်းခင်းခြင်းလုပ်ငန်းဆောင်ရွက်နေမှုအခြေအနေအား ကွင်းဆင်းကြည့်ရှုစစ်ဆေးခဲ့ပြီး လိုအပ်သည်များညှိနှိုင်းဆောင်ရွက်ခဲ့ကြောင်း သတင်းရရှိပါသည်။

ထုတ်ပြန်ကြေညာချက်များ

ကုလသမဂ္ဂလုံခြုံရေးကောင်စီဆုံးဖြတ်ချက်အမှတ် ၁၂၆၇ ၊ ၁၇၁၈ တို့နှင့် သက်ဆိုင်သည့် Sanction List စာရင်းများနှင့်ပတ်သက်၍ သိရှိလိုက်နာဆောင်ရွက်နိုင်ရန် အသိပေးခြင်း

၂၀-၁၁-၂၀၂၄

ကုလသမဂ္ဂလုံခြုံရေးကောင်စီဆုံးဖြတ်ချက်အမှတ် ၁၂၆၇၊ ၁၇၁၈ မှ ထုတ်ပြန်သည့် ဆုံးဖြတ်ချက်များအား စဉ်ဆက်မပြတ်ဝင်ရောက်ကြည့်ရှု့သွားရန်နှင့် သိရှိလိုက်နာဆောင်ရွက်သွားရန် အသိပေးဖော်ပြအပ်ပါသည်။

အသေးစိတ်အချက်အလက်များဖတ်ရှုရန်...

ထုတ်ပြန်ကြေညာချက်များ

အစိုးရမဟုတ်သောနိုင်ငံတကာ အသင်းအဖွဲ့(INGO)အား မှတ်ပုံတင်ခွင့်ပြုပေးနိုင်ပါရန် လျှောက်ထားခြင်း

၁၄-၈-၂၀၂၃

အစိုးရဌာန အဖွဲ့အစည်းနှင့် နားလည်မှုစာချွန်လွှာရေးထိုး၍ လူမှုရေးလုပ်ငန်းများဆောင်ရွက်လိုပါက မှတ်ပုံတင်ခွင့်ပြုနိုင်ပါရန် လိုအပ်သည့်အထောက်အထားများနှင့်အတူ ပူးတွဲတင်ပြနိုင်ပါသည်။

အသေးစိတ်အချက်အလက်များဖတ်ရှုရန်...

ထုတ်ပြန်ကြေညာချက်များ

အိမ်ခြံမြေအကျိုးဆောင်များနှင့်အဖိုးတန်သတ္တုရောင်းဝယ်သူများကြီးကြပ်ရေးအာဏာပိုင်၏ သတင်းထုတ်ပြန်ချက်

၆-၆-၂၀၂၄

ထွန်းထွန်းရွှေဆိုင် ကို ၆-၆-၂၀၂၄ ရက်နေ့မှစ၍ အဖိုးတန်သတ္တု(ရွှေ)ရောင်းဝယ်ရေး အသိအမှတ်ပြုမှတ်ပုံတင်လက်မှတ်မရှိဘဲ လုပ်ငန်းဆောင်ရွက်ခြင်းမပြုရန် သတိပေးမှတ်တမ်းတင် လက်မှတ်ရေးထိုးစေခြင်းအပါအဝင် လိုအပ်သည့်အရေးယူမှုများကို သက်ဆိုင်ရာဥပဒေပြဋ္ဌာန်းချက်များ နှင့်အညီ ဆောင်ရွက်ထားပါကြောင်း သတင်းထုတ်ပြန်အပ်ပါသည်။

အသေးစိတ်အချက်အလက်များဖတ်ရှုရန်...

အမိန့်ကြော်ငြာစာများ

ပြည်ထောင်စုမှတ်ပုံတင်ရေးအဖွဲ့ အစည်းအဝေးအမှတ်စဉ်(၂/၂၀၂၃)ဆုံးဖြတ်ချက်အရ အစိုးရမဟုတ်သောနိုင်ငံတကာအသင်းအဖွဲ့(၁၀)ဖွဲ့စာရင်း

၂၀၂၃ ခုနှစ် နိုဝင်ဘာလ ၃ ရက်

၃-၁၁-၂၀၂၃ ရက်နေ့တွင် ကျင်းပပြုလုပ်သည့် ပြည်ထောင်စုမှတ်ပုံတင်ရေးအဖွဲ့ အစည်းအဝေးအမှတ်စဉ်(၂/၂၀၂၃)ဆုံးဖြတ်ချက်အရ အစိုးရမဟုတ်သောနိုင်ငံတကာအသင်းအဖွဲ့(၁၀)ဖွဲ့စာရင်း

အသေးစိတ်အချက်အလက်များဖတ်ရှုရန်...

အမိန့်ကြော်ငြာစာများ

ပြည်ထောင်စုမှတ်ပုံတင်ရေးအဖွဲ့ အစည်းအဝေးအမှတ်စဉ်(၂/၂၀၂၃)ဆုံးဖြတ်ချက်အရ အသင်းအဖွဲ့မှတ်ပုံတင်ခွင့်ပြုထားသည့် ပြည်တွင်းအသင်းအဖွဲ့ (၂၅)ဖွဲ့စာရင်း

၂၀၂၃ ခုနှစ် နိုဝင်ဘာလ ၃ ရက်

၃-၁၁-၂၀၂၃ ရက်နေ့တွင် ကျင်းပပြုလုပ်သည့် ပြည်ထောင်စုမှတ်ပုံတင်ရေးအဖွဲ့ အစည်းအဝေးအမှတ်စဉ်(၂/၂၀၂၃)ဆုံးဖြတ်ချက်အရ အသင်းအဖွဲ့မှတ်ပုံတင်ခွင့်ပြုထားသည့် ပြည်တွင်းအသင်းအဖွဲ့ (၂၅)ဖွဲ့စာရင်း

အသေးစိတ်အချက်အလက်များဖတ်ရှုရန်...

အမိန့်ကြော်ငြာစာများ

မှတ်ပုံတင်လက်မှတ်ရရှိထားသော အသင်းအဖွဲ့များက လိုက်နာရမည့်သတ်မှတ်ချက်များ

11-6-2020

ပြည်ထောင်စုမှတ်ပုံတင်ရေးအဖွဲ့သည် အသင်းအဖွဲ့များမှတ်ပုံတင်ခြင်းဆိုင်ရာဥပဒေပုဒ်မ ၄၀ ပုဒ်မခွဲ (ခ) အရ အပ်နှင်းထားသော လုပ်ပိုင်ခွင့်ကိုကျင့်သုံး၍ မှတ်ပုံတင်လက်မှတ်ရရှိထားသော အသင်း အဖွဲ့သည် မူလရည်ရွယ်ချက်နှင့် လုပ်ငန်းစဉ်ကို ပြောင်းလဲလုပ်ကိုင် ဆောင်ရွက်ရာတွင်ဖြစ်စေ၊ ကျော်လွန် ဆောင်ရွက်ရာတွင်ဖြစ်စေ ဆောင်ရွက်ရမည့် အချက်များ၊ အသင်းအဖွဲ့ဖျက်သိမ်းခြင်း၊ အသင်းအမည် ပြောင်းလဲခြင်း၊ အသင်းလိပ်စာပြောင်းလဲခြင်းပြုလုပ်လိုပါက အောက်ပါအတိုင်း ဆောင်ရွက်ရန် သတ်မှတ်လိုက်သည်။

အသေးစိတ်အချက်အလက်များဖတ်ရှုရန်...