မကွေးတိုင်းဒေသကြီး၊ မင်းဘူး-စကုသွားကားလမ်းမပေါ်ရှိ စက်သုံးဆီအရောင်းဆိုင်များ၌ အယ်လ်နီညိုဖြစ်စဉ်ကြောင့် အပူချိန်မြင့်မားပြီး မီးလောင်ကျွမ်းမှုအန္တရာယ်မှ ကာကွယ်နိုင်ရေး အတွက် ကြိုတင်ပြင်ဆင်ထားရှိမှုအခြေအနေများအား ကြည့်ရှုစစ်ဆေး

၂၀၂၆ ခုနှစ်၊ အောက်တိုဘာလ ၁၃ ရက်၊ နံနက် ၉ နာရီ ၃၀ မိနစ်တွင် မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်၊ မင်းဘူး-စကုသွား ကားလမ်းမပေါ်ရှိ မင်းဘူးစတား၊ Special Pump၊ စက်သုံးဆီအရောင်းဆိုင်များ၌ အယ်လ်နီညိုဖြစ်စဉ်ကြောင့် အပူချိန်မြင့်မားပြီး မီးလောင်ကျွမ်းမှု အန္တရာယ်မှ ကြိုတင်ကာကွယ်နိုင်ရေးအတွက် မီးသတ်ဆေးဘူးများသတ်မှတ်အရေအတွက်အတိုင်း ထားရှိခြင်းရှိ/မရှိ၊ သက်တမ်းကုန်ဆုံးခြင်း ရှိ/မရှိနှင့် စက်သုံးဆီစနစ်တကျသိုလှောင်ထားရှိမှုအခြေအနေ များအား ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ခရိုင်အုပ်ချုပ်ရေးမှူး ဦးအေးလွင်သည် သက်ဆိုင်ရာဌာနတာဝန်ရှိသူများနှင့်အတူ သွားရောက်ကြည့်ရှုစစ်ဆေး၍ လိုအပ်သည်များ ပေါင်းစပ် ညှိနှိုင်းဆောင်ရွက်ခဲ့ကြောင်း သတင်းရရှိပါသည်