တွေ့ဆုံဆွေးနွေးပွဲကျင်းပ
ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ လွယ်အွန့်ကျေးရွာအုပ်စု၊ ရန်ကင်းဘုန်းတော်ကြီးကျောင်း၌ (၁၆-၉-၂၀၂၄)ရက်၊ (၁၁၀၀)အချိန်တွင် တွေ့ဆုံဆွေးနွေးပွဲ ကျင်းပပြုလုပ်ခဲ့ရာ ဆွေးနွေးပွဲသို့ ပအိုဝ်းကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ဥက္ကဋ္ဌ ဦးခွန်ရဲထွေး၊ ကျောင်းထိုင်ဆရာတော်ကြီး၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ဌာန ဆိုင်ရာများမှ တာဝန်ရှိသူများနှင့် ရပ်မိ/ ရပ်ဖများ တက်ရောက်ခဲ့ကြပါသည်။ အဆိုပါဆွေးနွေးပွဲတွင် ဖက်ရမ်းကျေးရွာအုပ်စု၊ နောင်လိုင်ကျေးရွာအုပ်စုနှင့် မူဖိတ်ကျေးရွာအုပ်စုတို့တွင် သဘာဝဘေးကြောင့် ရေကြီးနစ်မြုပ်ပျက်စီးသွားသည့် လမ်း/ တံတားများ အမြန်ပြန်လည်ပြုပြင်ရေးနှင့် မြေပြို၍ ပိတ်ဆို့နေသောရွာများရှိ ဒေသခံပြည်သူများ စားရေရိက္ခာပြတ်တောက်မှုမရှိစေရေးအတွက် ပိတ်ဆို့နေသောလမ်းများကို ကျေးလက်လမ်းဦးစီးဌာနမှ စက်ယန္တရားများဖြင့် အမြန်ဖယ်ရှား ဆောင်ရွက်ပေးရေး စသည့်ကိစ္စရပ်များအား ဆွေးနွေးခဲ့ကြောင်း သတင်းရရှိပါသည်။