ဝန်ထမ်းဆန္ဒဖော်ထုတ်ပွဲနှင့် ထောက်ပံ့ပစ္စည်းပေးအပ်ခြင်းအခမ်းအနားကျင်းပ
ရှမ်းပြည်နယ်၊ လားရှိုးခရိုင်၊ လားရှိုးမြို့၊ ပြည်နယ်ဒုတိယအထွေထွေအုပ်ချုပ်ရေးဦးစီး ဌာနရုံး၊ အစည်းအဝေးခန်းမ၌ (၄-၄-၂၀၂၄)ရက်၊ (၁၀၀၀)အချိန်တွင် ဝန်ထမ်းဆန္ဒဖော်ထုတ်ပွဲနှင့် ထောက်ပံ့ပစ္စည်းပေးအပ်ခြင်းအခမ်းအနား ကျင်းပပြုလုပ်ခဲ့ရာ အခမ်းအနားသို့ ပြည်နယ်ဒုတိယ အုပ်ချုပ်ရေးမှူး ဦးမြင့်သန်းဝင်း၊ ပြည်နယ်အထွေထွေအုပ်ချုပ်ရေးဦးစီးဌာနမှ အရာထမ်း၊ အမှုထမ်းဝန်ထမ်းများ တက်ရောက်ခဲ့ကြပါသည်။ အဆိုပါအခမ်းအနားတွင် ပြည်နယ်ဒုတိယ အုပ်ချုပ်ရေးမှူးက ဝန်ထမ်းများအား ဌာနလုပ်ငန်းများနှင့်ပတ်သက်၍ ဆွေးနွေးမှာကြားခြင်းနှင့် ဝန်ထမ်းများမှ တင်ပြလာသည့် မိသားစုကိစ္စအခက်အခဲများ၊ လိုအပ်ချက်များအပေါ် ဖြည့်ဆည်း ပေးခြင်းများ ဆောင်ရွက်ပေးခဲ့ပြီး ဝန်ထမ်း(၅၁)ဦးတို့အား ဆန်၊ ဆီ၊ ကြက်သွန်၊ ကြက်ဥနှင့် ဆားများ ထောက်ပံ့ပေးခဲ့ကြောင်း သတင်းရရှိပါသည်။