မြန်မာစာ၊ မြန်မာစကားနှင့် ဂဏန်းသင်္ချာတတ်မြောက်ရေးသင်တန်းဖွင့်လှစ်သင်ကြားနိုင်ရေး ပြင်ဆင်ဆောင်ရွက်ထားရှိမှုအခြေအနေများကို ကြည့်ရှုစစ်ဆေး
ရှမ်းပြည်နယ်၊ တာချီလိတ်ခရိုင်၊ မိုင်းဖြတ်မြို့နယ်၊ ဆိုက်ခေါင်ကျေးရွာ၊ အ.မ.က (မူလွန်) ကျောင်း၌ (၁၉-၁၂-၂၀၂၃)ရက်၊ (၁၃၄၅)အချိန်တွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးညီညီအောင် (မြို့နယ်အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ မြို့နယ်ပညာရေးမှူး၊ ရပ်ကွက်/ ကျေးရွာအုပ်စု အုပ်ချုပ်ရေးမှူးများ၊ ဆိုက်ခေါင် အ.မ.က (မူလွန်)မှ ဆရာ/ ဆရာမများ နှင့်အတူ ပညာရေးဝန်ကြီးဌာန၊ ကျောင်းပြင်ပနှင့် တစ်သက်တာပညာရေးဦးစီးဌာနက ကြီးမှူးကျင်းပ ပြုလုပ်မည့် မြန်မာစာ၊ မြန်မာစကားနှင့် ဂဏန်းသင်္ချာတတ်မြောက်ရေးသင်တန်း ဖွင့်လှစ်နိုင်ရေး အတွက် ကြိုတင်ပြင်ဆင်ဆောင်ရွက်ထားရှိမှုအခြေအနေများကို ကွင်းဆင်းကြည့်ရှုစစ်ဆေးခဲ့ပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ပါသည်။ အဆိုပါသင်တန်းကို (၂၀-၁၂-၂၀၂၃)ရက် နေ့မှစ၍ (၂၉-၁-၂၀၂၄)ရက်နေ့အထိ (၁)ရက်လျှင် (၃)နာရီနှုန်းဖြင့် ရက်ပေါင်း (၄၀)ကြာ ဖွင့်လှစ် သင်ကြားမည်ဖြစ်ကြောင်း သတင်းရရှိပါသည်။