ရှမ်းပြည်နယ်၊ လင်းခေးခရိုင်၊ မိုင်းပန်မြို့နယ်အတွင်းရှိ မဲရုံအဖြစ်အသုံးပြုမည့်ကျောင်းများတွင် ရွေးကောက်ပွဲကာလ မီးဘေးအန္တရာယ်ဆိုင်ရာဆောင်ရွက်ထားရှိမှုအား သွားရောက်ကြည့်ရှု၍ ပေါင်းစပ် ညှိနှိုင်းဆောင်ရွက်
၂၀၂၅ ခုနှစ်၊ နိုဝင်ဘာလ ၂၄ ရက် နံနက် ၁၀ နာရီတွင် ရှမ်းပြည်နယ်၊ လင်းခေးခရိုင်၊ မိုင်းပန် မြို့နယ်အတွင်းရှိ ပါတီစုံဒီမိုကရေစီအထွေထွေရွေးကောက်ပွဲကာလ မဲရုံအဖြစ်အသုံးပြုမည့် ကျောင်းများ တွင် မဲရုံမီးဘေးလုံခြုံရေးအတွက် မီးသတ်ဆေးဘူးများလုံလောက်စွာထားရှိပေးနိုင်ရေး၊ ထားရှိမည့် မီးသတ်ဆေးဘူးများတွင် လိုအပ်သည့်ဆေးရည်ဖြည့်ခြင်းနှင့် ပြုပြင်ခြင်းတို့ဆောင်ရွက်နေမှု အခြေအနေများအား မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ မြို့နယ်အုပ်ချုပ်ရေးမှူး ဦးဟန်ဇော်မြင့်၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဝင်များ၊ မြို့နယ်မီးသတ်ဦးစီးဌာနမှ တာဝန်ရှိသူများ၊ မြို့နယ်တာဝန်ခံပညာရေးမှူးတို့နှင့်အတူ သွားရောက်ကြည့်ရှု၍ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သတင်းရရှိပါသည်။