ရှမ်းပြည်နယ်၊ လင်းခေးခရိုင်၊ လင်းခေးမြို့နယ်တွင် ဒါးဆိပ် - နောင်လုံ - ဝမ်စစ် - ဟိုက်ကွေ့လမ်းမကြီးအား ကျောက်လမ်းပြုပြင်ထိန်းသိမ်းခြင်းလုပ်ငန်းဆောင်ရွက်နေမှုအခြေအနေအား ကွင်းဆင်းစစ်ဆေး
၂၀၂၅ ခုနှစ်၊ အောက်တိုဘာလ ၂၂ ရက် နံနက် ၁၀ နာရီ ၅၀ မိနစ်တွင် ရှမ်းပြည်နယ်၊ လင်းခေးခရိုင်၊ လင်းခေးမြို့နယ်တွင် နယ်စပ်ဒေသတိုင်းရင်းသားလူမျိုးများဖွံ့ဖြိုးရေးဦးစီးဌာန၏ ၂၀၂၅- ၂၀၂၆ ဘဏ္ဍာရေးနှစ်၊ ပြည်ထောင်စုခွင့်ပြုရန်ပုံငွေဖြင့် ဆောင်ရွက်လျက်ရှိသော ဒါးဆိပ် - နောင်လုံ - ဝမ်စစ် - ဟိုက်ကွေ့လမ်းမကြီး ကျောက်လမ်းပြုပြင်ထိန်းသိမ်းခြင်းလုပ်ငန်း ဆောင်ရွက် နေမှုအခြေအနေအား ခရိုင်တည်ဆောက်ရေးလုပ်ငန်းများကြီးကြပ်ရေးကော်မတီဥက္ကဋ္ဌ ခရိုင် အုပ်ချုပ်ရေးမှူး ဦးအောင်ကိုဦး ဦးဆောင်၍ ခရိုင်တည်ဆောက်ရေးလုပ်ငန်းများ စိစစ်ရေး ကော်မတီဝင်များ၊ သက်ဆိုင်ရာတာဝန်ခံ အင်ဂျင်နီယာများနှင့်အတူ ကွင်းဆင်းစစ်ဆေးခဲ့ပြီး သတ်မှတ်ထားသည့် အရည်အသွေး၊ စံချိန်စံညွှန်းနှင့် အညီဖြစ်စေရေး မှာကြားခဲ့ကြောင်း သတင်းရရှိ ပါသည်။