ရှမ်းပြည်နယ်၊ ကလောခရိုင်၊ ကလောမြို့နယ်အထွေထွေအုပ်ချုပ်ရေးဦးစီးဌာနရုံးခန်း၌ ကလော မြို့နယ်အတွင်းရှိ ရွှေလုပ်ငန်းရှင်များနှင့် အဖိုးတန်သတ္တု(ရွှေ)ရောင်းဝယ်သည့်ကိစ္စနှင့်ပတ်သက်၍ လုပ်ငန်းညှိနှိုင်းအစည်းအဝေးကျင်းပ

၂၀၂၅ ခုနှစ်၊ ဇူလိုင်လ ၃ ရက် နေ့လည် ၂ နာရီတွင် ရှမ်းပြည်နယ်၊ ကလောခရိုင်၊ ကလော မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးရုံးခန်း၌ ကလောမြို့နယ် အတွင်းရှိ ရွှေလုပ်ငန်းရှင်များနှင့် မှတ်ပုံတင်လက်မှတ်ရရှိထားသည့် အဖိုးတန်သတ္တုရောင်းဝယ် သူများ၏ လုပ်ငန်းအဆင်ပြေချောမွေ့စေရေးနှင့် အုပ်ချုပ်မှုဆိုင်ရာကိစ္စရပ်များဆောင်ရွက်ရာတွင် စနစ်တကျရှိစေရေးအတွက် လုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့ရာ မြို့နယ်စီမံ အုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူး ဦးစိုးသိန်း၊ ရွှေလုပ်ငန်းရှင်များနှင့်အတူ တက်ရောက်ဆွေးနွေးခဲ့ကြောင်း သတင်းရရှိပါသည်။